ઉપવાસમાં બનાવો હલકો અને પૌષ્ટિક ભોજન: સમા અને શક્કરિયા ડોસો

સામગ્રી

સામો – 1 કપ

શક્કરિયા – 1 મધ્યમ કદનું (બાફીને છીણેલું)

દહીં – 1/2  કપ

લીલા મરચાં – 2

આદુ – 1 ઇંચનો ટુકડો

જીરું – 1 ચમચી

મરી પાવડર – 1/2 ચમચી

સેંધા મીઠું – સ્વાદ મુજબ

કોથમીર – 2 ચમચી (બારીક સમારેલી)

પાણી – જરૂર મુજબ

ઘી અથવા શીંગદાણાનું તેલ – ડોસો શેકવા માટે

બનાવવાની રીત

સામાને સારી રીતે ધોઈને 3-4 કલાક માટે પલાળી રાખો.

પલાળેલી સામાને લીલા મરચાં, આદુ અને દહીં સાથે પીસીને સ્મૂથ ખીરું તૈયાર કરો.

હવે તેમાં બાફેલું અને છીણેલું શક્કરિયા ઉમેરો.

જીરું, મરી પાવડર, સેંધા મીઠું અને કોથમીર ઉમેરી સારી રીતે મિક્સ કરો.

જરૂર મુજબ પાણી ઉમેરી ડોસા જેવું મધ્યમ ઘટ્ટ ખીરું તૈયાર કરો.

ગરમ તવા પર થોડું ઘી લગાવી ખીરું પાથરો અને પાતળો ડોસો બનાવો.

બંને બાજુથી ગોલ્ડન બ્રાઉન થાય ત્યાં સુધી શેકો.

ગરમાગરમ દહીં, લીલી ઉપવાસની ચટણી અથવા શીંગદાણાની ચટણી સાથે સર્વ કરો.

ઉપયોગી ટીપ્સ

વધુ કરકરો ડોસો બનાવવા માટે ખીરું 20-30 મિનિટ આરામ કરવા દો.

શક્કરિયા ડોસાને કુદરતી મીઠાશ અને નરમાઈ આપે છે.

ઉપવાસના નિયમ મુજબ માત્ર સેંધા મીઠાનો જ ઉપયોગ કરો.

વધુ પૌષ્ટિકતા માટે ખીરામાં થોડું શીંગદાણાનું ભૂકું ઉમેરી શકો છો.