શક્કરિયાની પાઈ (Sweet Potato Pie) રેસીપી

Sweet Potato Pie

સામગ્રી

શક્કરિયા – 2 મધ્યમ (આશરે 400 ગ્રામ)

તૈયાર પાઈ ક્રસ્ટ – 1

માખણ (ઓગાળેલું) – 50 ગ્રામ

બ્રાઉન શુગર –1/2 કપ

દૂધ – 1/2 કપ

2 ઇંડા (અથવા 1/4 કપ કન્ડેન્સ્ડ મિલ્ક – એગલેસ વિકલ્પ માટે)

વેનીલા એસેન્સ – 1 ચમચી

દાલચીની પાવડર – 1 ચમચી

જાયફળ પાવડર – 1/4  ચમચી

મીઠું – એક ચપટી

બનાવવાની રીત

શક્કરિયાને સારી રીતે ધોઈને બાફી લો અથવા ઓવનમાં બેક કરો. ઠંડા થયા પછી તેની છાલ ઉતારીને મસળી લો.

એક મોટા બાઉલમાં મસળેલી શક્કરિયા, બ્રાઉન શુગર, ઓગાળેલું માખણ, દૂધ, ઇંડા (અથવા કન્ડેન્સ્ડ મિલ્ક), વેનીલા એસેન્સ, દાલચીની, જાયફળ અને મીઠું ઉમેરો.

બધી સામગ્રીને સારી રીતે ફેટીને એકસરખું સ્મૂથ મિશ્રણ તૈયાર કરો.

તૈયાર પાઈ ક્રસ્ટમાં આ મિશ્રણ સમાન રીતે ભરી દો.

ઓવનને 180°C પર પ્રીહીટ કરો.

પાઈને લગભગ 45–50 મિનિટ સુધી બેક કરો. વચ્ચે ટૂથપિક નાખીને ચેક કરો. જો ટૂથપિક સાફ બહાર આવે તો પાઈ તૈયાર છે.

પાઈને બહાર કાઢીને સંપૂર્ણ ઠંડી થવા દો.

સર્વ કરતા પહેલા ઉપરથી વ્હીપ્ડ ક્રીમ, દાલચીની પાવડર અથવા કાપેલા પેકાન/અખરોટથી ગાર્નિશ કરો.