રક્ષાબંધન પર ઘરે બનાવો માવા વગરની હેલ્ધી મીઠાઈ, સ્વાદમાં પણ લાજવાબ

ડ્રાયફ્રૂટ-ખજૂરની મીઠાઈ

રક્ષાબંધનનો તહેવાર મીઠાઈ વિના અધૂરો લાગે છે. જો આ વખતે બજારમાંથી મીઠાઈ લાવવાને બદલે ઘરે જ કંઈક હેલ્ધી અને ટેસ્ટી બનાવવું હોય, તો માવા વગરની ડ્રાયફ્રૂટ-ખજૂરની મીઠાઈ એકદમ પરફેક્ટ છે. તેમાં ખાંડ અને માવાનો ઉપયોગ કરવાની જરૂર નથી અને બનાવવામાં પણ વધારે સમય લાગતો નથી.

માવા વગરની હેલ્ધી મીઠાઈ

સામગ્રી

ખજૂર – 1 કપ

બદામ – ½ કપ

કાજુ – ¼ કપ

અખરોટ – ¼ કપ

નારિયેળનું છીણ – ½ કપ

એલચી પાવડર – ½ ચમચી

ઘી – 1 ચમચી

તલ – 1 ચમચી

પિસ્તા – 2 ચમચી

બનાવવાની રીત

1. ડ્રાયફ્રૂટ તૈયાર કરો:

સૌપ્રથમ બદામ, કાજુ અને અખરોટને નાના ટુકડામાં કાપી લો. પેનમાં 1 ચમચી ઘી ગરમ કરીને ડ્રાયફ્રૂટને 2-3 મિનિટ હળવા શેકી લો.

2. ખજૂરની પેસ્ટ બનાવો:

ખજૂરમાંથી બી કાઢીને તેને મિક્સરમાં થોડું દરદરું પીસી લો. જો ખજૂર વધારે કઠણ હોય તો તેને થોડા સમય માટે ગરમ પાણીમાં પલાળી શકો છો.

3. મિશ્રણ તૈયાર કરો:

હવે એક પેનમાં ખજૂરની પેસ્ટ ઉમેરો અને ધીમા તાપે 2-3 મિનિટ સાંતળો. તેમાં શેકેલા ડ્રાયફ્રૂટ, નારિયેળનું છીણ, તલ અને એલચી પાવડર ઉમેરો.

4. મીઠાઈનો આકાર આપો:

બધી સામગ્રી સારી રીતે મિક્સ થઈ જાય પછી ગેસ બંધ કરી દો. મિશ્રણ થોડું ઠંડું થાય એટલે તેના લાડુ બનાવી લો અથવા તેને થાળીમાં પાથરીને બરફીનો આકાર આપો.

5. ગાર્નિશ કરો:

ઉપરથી પિસ્તાની કતરણ અને થોડું નારિયેળનું છીણ નાખો. 20-30 મિનિટ ફ્રિજમાં રાખ્યા બાદ બરફીના ટુકડા કાપી સર્વ કરો