ગુજરાતમાં આવતીકાલે યોજાનારી મોકડ્રીલના આયોજનને ધ્યાનમાં રાખીને, આજે ગૃહ રાજ્યમંત્રી હર્ષ સંઘવીની અધ્યક્ષતામાં એક મહત્વપૂર્ણ બેઠક યોજાઈ હતી અને પ્રસ્તાવિત કાર્ય યોજનાની સમીક્ષા કરવામાં આવી હતી. ગૃહ વિભાગના અધિક મુખ્ય સચિવ એમ.કે. દાસ, મહેસૂલ વિભાગના અધિક મુખ્ય સચિવ જયંતિ રવિ, રાજ્ય પોલીસ વડા વિકાસ સહાય, હોમગાર્ડ અને નાગરિક સંરક્ષણના ડીજીપી મનોજ અગ્રવાલ અને અન્ય વરિષ્ઠ અધિકારીઓ આ બેઠકમાં હાજર રહ્યા હતા.
7 મેના રોજ યોજાનારી મોક ડ્રીલ અંગે તમામ ભાજપના સાંસદોને સૂચનાઓ
મોકડ્રીલ એ કટોકટીની પરિસ્થિતિનો સામનો કેવી રીતે કરવો તેની એક પ્રકારની પ્રેક્ટિસ છે. ઘણીવાર સુરક્ષા દળો આગ, કુદરતી આફતો (પૂર, ભૂકંપ વગેરે) અથવા આતંકવાદી હુમલાનો સામનો કરવા માટે મોક ડ્રીલ કરે છે. બધી સુરક્ષા એજન્સીઓ, પોલીસ વગેરે સમયાંતરે મોક ડ્રીલ કરતા રહે છે.