સરકારી દવાખાનાનું મોટુ બ્લંડર - 7 વર્ષના બાળકને ટાંકા લેવાને બદલે નર્સે લગાવ્યુ ફેવિકોલ

Karnataka Govt Hospital Blunder: કર્ણાટકની સરકારી હોસ્પિટલમાં દાખલ સાત વર્ષના બાળકને તેના ગાલ પર ઈજા થઈ હતી અને ઘા પર ટાંકા લેવા પડ્યા હતા. પરંતુ હોસ્પિટલની નર્સે એવી ભૂલ કરી કે તેણે તેના ઘા પર ટાંકા લેવાને બદલે ફેવિકોલ લગાવી દીધું. જોકે, આ ભૂલ બદલ નર્સને હોસ્પિટલમાંથી સસ્પેન્ડ કરવામાં આવી છે. આ ઘટના બુધવારે એટલે કે 5 ફેબ્રુઆરી 2025 ના રોજ બની હતી, જ્યાં એક 7 વર્ષના બાળકને આ પીડા સહન કરવી પડી હતી. આ ઘટના બાદ લોકોમાં રોષ જોવા મળી રહ્યો છે.

બાળકને ઊંડો ઘા થયા બાદ હોસ્પિટલમાં લાવવામાં આવ્યો હતો

તમને જણાવી દઈએ કે ગુરુકિશન અન્નપ્પા હોસામાની નામના 7 વર્ષના બાળકના ચહેરા પર ઊંડો ઘા હતો. આવી સ્થિતિમાં તેને સારવાર માટે હોસ્પિટલમાં લાવવામાં આવ્યો હતો. ઘા એટલો ઊંડો હતો કે તેને ટાંકા લેવાની જરૂર હતી, પરંતુ નર્સે ફેવિકોલ લગાવ્યું. દાવો કરવામાં આવી રહ્યો છે કે આનાથી બાળકના ગાલ પર નિશાન પડી ગયું છે.

બાળકના માતા-પિતાએ નર્સનો વીડિયો બનાવ્યો હતો

એવું કહેવામાં આવી રહ્યું છે કે બાળકના માતા-પિતાએ આ શરમજનક કૃત્ય કરનાર નર્સનો વીડિયો બનાવ્યો હતો. તેનું નામ જ્યોતિ હોવાનું કહેવાય છે. નર્સ કહે છે કે તેણે કંઈ ખોટું કર્યું નથી. બાળકનો વીડિયો સોશિયલ મીડિયા પર વાયરલ થયો છે, જેને જોઈને સામાન્ય લોકોમાં રોષ જોવા મળી રહ્યો છે.