યુએસમાંથી દેશનિકાલ કરાયેલા લગભગ 104 ભારતીયોને લઈને યુએસ લશ્કરી વિમાન બુધવારે શ્રી ગુરુ રામદાસ જી આંતરરાષ્ટ્રીય એરપોર્ટ પર ઉતર્યું હતું. વિમાનમાં 6 રાજ્યોના લોકો સવાર હતા. પંજાબ, હરિયાણા અને ચંદીગઢના લોકોને રોડ માર્ગે ઘરે મોકલવામાં આવી રહ્યા છે જ્યારે ઉત્તર પ્રદેશ, ગુજરાત અને મહારાષ્ટ્રના લોકોને હવાઈ માર્ગે ઘરે મોકલવામાં આવશે.
અમેરિકામાં ગેરકાયદેસર રીતે રહેતા ભારતીય ઈમિગ્રન્ટ્સનો પ્રથમ બેચ બુધવારે બપોરે 1:59 કલાકે અમેરિકી સૈન્ય વિમાન C-147 દ્વારા અમૃતસર એરપોર્ટ પર પહોંચ્યો હતો. વિમાનમાં 104 ભારતીય નાગરિકો સવાર હતા, જેમાં 13 બાળકો, 79 પુરૂષો અને 25 મહિલાઓનો સમાવેશ થાય છે. યુએસ એમ્બેસીના એક અધિકારીએ આ વાતની પુષ્ટિ કરી છે.
કયા રાજ્યોમાંથી લોકો પાછા ફર્યા?
પરત લાવવામાં આવેલા પ્રવાસીઓમાં પંજાબના 30, હરિયાણાના 33, ગુજરાતના 33, મહારાષ્ટ્રના 3, ઉત્તર પ્રદેશના 3 અને ચંદીગઢના 2નો સમાવેશ થાય છે. જેમાંથી ગુજરાતના 33 લોકોને અમૃતસર એરપોર્ટ પરથી સીધા જ ગુજરાત મોકલવામાં આવશે.
