મુંબઈ ઈન્ડિયન્સે જીત નોંધાવતા જ તોડ્યો KKRનો રેકોર્ડ, IPLમાં હાંસલ કર્યો એક મોટો મુકામ

મુંબઈ ઈન્ડિયન્સ આખરે વિજયી ટ્રેક પર પાછી આવી ગઈ છે. સતત બે હાર બાદ, મુંબઈ ઈન્ડિયન્સની ટીમે IPL 2025 માં પોતાનો વિજય નોંધાવ્યો છે. ટીમે કોલકાતા નાઈટ રાઈડર્સને 8 વિકેટથી હરાવ્યું છે. આ મેચમાં મુંબઈના કેપ્ટન હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય લીધો, જે યોગ્ય સાબિત થયો. આખી KKR ટીમ ફક્ત 116 રનમાં આઉટ થઈ ગઈ. આ પછી મુંબઈએ આ લક્ષ્યનો સરળતાથી પીછો કર્યો.

મુંબઈ ઈન્ડિયન્સ આખરે વિજયી ટ્રેક પર પાછી આવી ગઈ છે. સતત બે હાર બાદ, મુંબઈ ઈન્ડિયન્સની ટીમે IPL 2025 માં પોતાનો વિજય નોંધાવ્યો છે. ટીમે કોલકાતા નાઈટ રાઈડર્સને 8 વિકેટથી હરાવ્યું છે. આ મેચમાં મુંબઈના કેપ્ટન હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય લીધો, જે યોગ્ય સાબિત થયો. આખી KKR ટીમ ફક્ત 116 રનમાં આઉટ થઈ ગઈ. આ પછી મુંબઈએ આ લક્ષ્યનો સરળતાથી પીછો કર્યો.

મુંબઈની ટીમે KKR સામે જીત મેળવીને ઇતિહાસ રચ્યો છે. મુંબઈ ઈન્ડિયન્સ કોઈપણ IPL મેદાન પર વિરોધી ટીમ સામે સૌથી વધુ જીત મેળવનારી ટીમ બની ગઈ છે. IPLમાં વાનખેડે સ્ટેડિયમમાં KKR સામે મુંબઈ ઈન્ડિયન્સે કુલ 10 મેચ જીતી છે. આ સાથે મુંબઈએ KKRનો રેકોર્ડ તોડી નાખ્યો છે. કોલકાતાના ઇડન ગાર્ડન્સ મેદાન પર IPLમાં KKR ટીમે પંજાબ કિંગ્સ સામે 9 મેચ જીતી છે.

રિકેલ્ટને જોરદાર અડધી સદી ફટકારી

નાના લક્ષ્યનો પીછો કરતા, મુંબઈ માટે રાયન રિકેલ્ટને શાનદાર પ્રદર્શન કર્યું. તેણે 41 બોલમાં 62 રન બનાવ્યા, જેમાં ચાર ચોગ્ગા અને પાંચ છગ્ગાનો સમાવેશ થાય છે. તેની ઇનિંગે મુંબઈની જીત સુનિશ્ચિત કરી. તેમના સિવાય સૂર્યકુમાર યાદવે અણનમ રહ્યા અને 27 રન બનાવ્યા. મુંબઈએ ૧૨.૫ ઓવરમાં લક્ષ્યનો પીછો કર્યો.

અશ્વિની કુમારે લીધી ચાર વિકેટ 

23 વર્ષીય યુવા બોલર અશ્વિની કુમાર મુંબઈ ઈન્ડિયન્સ માટે સૌથી મોટો હીરો સાબિત થયો. તેણે પોતાની ત્રણ ઓવરમાં 24 રન આપીને ચાર મહત્વપૂર્ણ વિકેટ લીધી. આ સાથે, તે આઈપીએલ ડેબ્યૂ મેચમાં ચાર વિકેટ લેનાર પ્રથમ ભારતીય બોલર બન્યો છે. તેમના સિવાય દીપક ચહરે બે વિકેટ લીધી.

KKRના બેટ્સમેન રહ્યા ફ્લોપ 

કોલકાતા નાઈટ રાઈડર્સ તરફથી કોઈ પણ બેટ્સમેન ક્રીઝ પર રહીને બેટિંગ કરી શક્યો નહીં. ટીમ તરફથી સૌથી વધુ રન અંગક્રિશ રઘુવંશીએ બનાવ્યા. તેણે 26 રનનું યોગદાન આપ્યું. તેમના કારણે જ ટીમ ૧૦૦ રનનો આંકડો પાર કરી શકી. બાકીના બેટ્સમેન ખરાબ રીતે ફ્લોપ રહ્યા અને સારું પ્રદર્શન કરવામાં નિષ્ફળ રહ્યા. રમનદીપ સિંહે 22 રનનું યોગદાન આપ્યું. કેપ્ટન અજિંક્ય રહાણેએ ૧૧ રન અને ઉપ-કેપ્ટન વેંકટેશ ઐયરે ૩ રન બનાવ્યા. આખી KKR ટીમ ફક્ત 116 રન બનાવી શકી અને 20 ઓવર પણ રમી શકી નહીં.