મસાલેદાર વડાપાવ રેસીપી

Vadapav recipe

વડાપાવ મહારાષ્ટ્રની લોકપ્રિય સ્ટ્રીટ ફૂડ વાનગી છે. મસાલેદાર બટેટા વડા, ચટણી અને નરમ પાવનું કોમ્બિનેશન દરેકને પસંદ આવે છે. ઘરે સરળતાથી વડાપાવ બનાવવા માટે આ રીત અજમાવો.

સામગ્રી

વડા માટે:

4-5 બટેટા, બાફેલા

1-2 લીલા મરચાં, બારીક સમારેલા

1 ચમચી આદુ-લસણની પેસ્ટ

½ ચમચી રાઈ

½ ચમચી જીરું

ચપટી હિંગ

½ ચમચી હળદર

1-2 ચમચી લીલી કોથમીર

મીઠું સ્વાદ મુજબ

તેલ તળવા માટે

ખીરા માટે:

1 કપ ચણાનો લોટ

¼ ચમચી હળદર

ચપટી હિંગ

મીઠું સ્વાદ મુજબ

જરૂર મુજબ પાણી

વડાપાવ માટે:

6-8 પાવ

લીલી ચટણી

લસણની સૂકી ચટણી

મીઠી ચટણી, જરૂર મુજબ

બનાવવાની રીત

સૌપ્રથમ બાફેલા બટેટાની છાલ ઉતારી તેને સારી રીતે મેશ કરી લો.

કડાઈમાં થોડું તેલ ગરમ કરી તેમાં રાઈ, જીરું અને હિંગ ઉમેરો. રાઈ તડતડે એટલે લીલા મરચાં અને આદુ-લસણની પેસ્ટ ઉમેરો. ત્યારબાદ હળદર નાખીને મેશ કરેલા બટેટા ઉમેરો.

તેમાં મીઠું અને સમારેલી કોથમીર નાખીને બધું સારી રીતે મિક્સ કરો. મિશ્રણ થોડું ઠંડું થાય પછી તેના સમાન કદના ગોળા બનાવી લો.

હવે એક વાસણમાં ચણાનો લોટ, હળદર, હિંગ અને મીઠું લો. તેમાં થોડું-થોડું પાણી ઉમેરીને મધ્યમ ઘટ્ટ ખીરું તૈયાર કરો.

કડાઈમાં તેલ ગરમ કરો. બટેટાના ગોળાને ચણાના લોટના ખીરામાં ડૂબાડીને ગરમ તેલમાં નાખો. વડા સોનેરી અને ક્રિસ્પી થાય ત્યાં સુધી તળી લો.

હવે પાવને વચ્ચેથી કાપીને તેના પર લીલી ચટણી, મીઠી ચટણી અને લસણની સૂકી ચટણી લગાવો. વચ્ચે ગરમાગરમ બટેટા વડો મૂકો.