ચિલી ગાર્લિક / કોરિયન સ્ટાઇલ મેગી

તીખી, લસણવાળી અને એકદમ ચટપટી મેગી ખાવાની ઈચ્છા હોય તો આ ચિલી ગાર્લિક / કોરિયન સ્ટાઇલ મેગી જરૂર ટ્રાય કરો. ખૂબ જ ઓછી સામગ્રીમાં આ મેગી ઝડપથી તૈયાર થઈ જાય છે.

જરૂરી સામગ્રી

મેગી – 1 પેકેટ

બારીક સમારેલું લસણ – 1થી 2 ચમચી

ચિલી ફ્લેક્સ – 1 ચમચી

સફેદ તલ – 1 ચમચી

કોથમીર – 1 ચમચી

મેગી મસાલો – 1 પેકેટ

સોયા સોસ – 1 નાની ચમચી

ગરમ તેલ – 2 ચમચી

બનાવવાની રીત

સૌપ્રથમ મેગીને મસાલા વગર સાદા પાણીમાં ઉકાળી લો. મેગી બરાબર બફાઈ જાય પછી તેનું પાણી કાઢી લો અને તેને એક તરફ રાખો.

હવે એક બાઉલમાં બારીક સમારેલું લસણ, ચિલી ફ્લેક્સ, સફેદ તલ, સમારેલી કોથમીર અને મેગી મસાલો ઉમેરો.

તેમાં 1 નાની ચમચી સોયા સોસ ઉમેરો.

હવે એક નાની કડાઈમાં 2 ચમચી તેલ ખૂબ ગરમ કરો. ગરમાગરમ તેલ આ મસાલાના મિશ્રણ પર રેડો. તેલ નાખતા મસાલામાંથી સરસ સુગંધ આવશે.

હવે તેમાં ઉકાળેલી સાદી મેગી ઉમેરો અને બધા મસાલા મેગી સાથે સારી રીતે મિક્સ કરો.

તૈયાર છે તમારી તીખી અને ચટપટી ચિલી ગાર્લિક / કોરિયન સ્ટાઇલ મેગી. ગરમાગરમ સર્વ કરો