નાસ્તામાં ક્રિસ્પી અને સ્વાદિષ્ટ પનીર કટલેટ બનાવો; તે બાળકોના લંચ બોક્સ માટે પણ એક સંપૂર્ણ વિકલ્પ છે.

નાસ્તામાં કંઈક ક્રિસ્પી અને ટેસ્ટી ખાવાનું મન થાય તો પનીર કટલેટ એકદમ પરફેક્ટ વિકલ્પ છે. બાળકોના ટિફિન માટે પણ આ કટલેટ સરળતાથી બનાવી શકાય છે.

સામગ્રી

પનીર – 200 ગ્રામ

બાફેલા બટાકા – 2

બ્રેડ ક્રમ્બ્સ – ½ કપ

લીલા મરચાં – 1-2 ઝીણા સમારેલા

આદુ – 1 ચમચી છીણેલું

લીલા ધાણા – 2 ચમચી

ચાટ મસાલો – ½ ચમચી

ગરમ મસાલો – ½ ચમચી

લાલ મરચું પાઉડર – ½ ચમચી

લીંબુનો રસ – 1 ચમચી

મીઠું – સ્વાદ અનુસાર

કોર્નફ્લોર – 2 ચમચી

તેલ – શેલો ફ્રાય કરવા માટે 

બનાવવાની રીત

સૌપ્રથમ પનીરને છીણી લો અને બાફેલા બટાકાને સારી રીતે મેશ કરી લો.

એક બાઉલમાં પનીર, બટાકા, લીલા મરચાં, આદુ અને લીલા ધાણા ઉમેરો.

તેમાં ચાટ મસાલો, ગરમ મસાલો, લાલ મરચું પાઉડર, લીંબુનો રસ અને મીઠું ઉમેરો.

હવે તેમાં કોર્નફ્લોર અને 2-3 ચમચી બ્રેડ ક્રમ્બ્સ ઉમેરીને બધી સામગ્રી સારી રીતે મિક્સ કરો.

તૈયાર મિશ્રણમાંથી નાના-નાના ગોળા બનાવીને કટલેટનો આકાર આપો.

દરેક કટલેટને બ્રેડ ક્રમ્બ્સમાં સારી રીતે કોટ કરી લો.

તવાને ગરમ કરી તેમાં થોડું તેલ મૂકો અને કટલેટને મધ્યમ આંચ પર બંને બાજુથી ગોલ્ડન અને ક્રિસ્પી થાય ત્યાં સુધી શેકો.

તૈયાર પનીર કટલેટને લીલી ચટણી અથવા ટોમેટો કેચપ સાથે ગરમાગરમ સર્વ કરો.