સવારના નાસ્તામાં બાળકો માટે બનાવો ફ્રેન્ચ ટોસ્ટ સેન્ડવિચ

સવારના નાસ્તામાં બાળકો માટે કંઈક સ્વાદિષ્ટ અને સરળ બનાવવું હોય તો ફ્રેન્ચ ટોસ્ટ સેન્ડવિચ એક સરસ વિકલ્પ છે. બ્રેડ, ઈંડા અને શાકભાજીથી તૈયાર થતી આ રેસીપી ટિફિન માટે પણ બનાવી શકાય છે.

ફ્રેન્ચ ટોસ્ટ સેન્ડવિચ

સામગ્રી

ફ્રેન્ચ ટોસ્ટ માટે:

બ્રેડની 4 સ્લાઈસ

2 ઈંડા

2થી 3 ચમચી દૂધ

¼ ચમચી કાળા મરીનો પાઉડર

સ્વાદ મુજબ મીઠું

1 ચમચી માખણ અથવા ઘી

સેન્ડવિચના ફિલિંગ માટે:

2 ચમચી મેયોનેઝ અથવા હંગ કર્ડ

2 ચમચી બારીક સમારેલી કેપ્સિકમ

2 ચમચી બારીક સમારેલી ગાજર

2 ચમચી બારીક સમારેલી ડુંગળી

2 ચમચી છીણેલું ચીઝ

ટોમેટો સોસ, જરૂર મુજબ

બનાવવાની રીત

સૌપ્રથમ એક બાઉલમાં ઈંડા ફોડી તેમાં દૂધ, મીઠું અને કાળા મરીનો પાઉડર ઉમેરીને સારી રીતે ફેંટી લો.

હવે એક બ્રેડ સ્લાઈસ પર મેયોનેઝ અથવા હંગ કર્ડ લગાવો. તેના પર બારીક સમારેલી ગાજર, કેપ્સિકમ, ડુંગળી અને છીણેલું ચીઝ ઉમેરો. ઉપરથી થોડો ટોમેટો સોસ લગાવી બીજી બ્રેડ સ્લાઈસથી ઢાંકી દો.

તૈયાર કરેલા સેન્ડવિચને ઈંડાના મિશ્રણમાં બંને બાજુથી હળવેથી ડૂબાડો.

તવા પર થોડું માખણ અથવા ઘી ગરમ કરો અને તેના પર સેન્ડવિચ મૂકો.

બંને બાજુથી ધીમી-મધ્યમ આંચ પર સોનેરી અને ક્રિસ્પી થાય ત્યાં સુધી શેકી લો.

તૈયાર ફ્રેન્ચ ટોસ્ટ સેન્ડવિચને વચ્ચેમાંથી કાપીને ટોમેટો સોસ અથવા બાળકોની પસંદગીની ડિપ સાથે ગરમાગરમ સર્વ કરો.