શુ Walk કરવાથી વધેલુ બ્લડ શુગર ઓછુ થાય છે ? જાણો ડાયાબિટીસમાં વોકિંગ કેટલુ છે લાભકારી ?

ડાયાબિટીસ લાઈફસ્ટાઈલ સાથે જોડાયેલ એક એવી બીમારી છે જેને ફક્ત કંટ્રોલ કરી શકાય છે. આ બીમારીમાં શુગર લેવલને બેલેંસ કરવુ  ખૂબ જરૂરી હોય છે. તેને કંટ્રોલ કરવા માટે ડાયેટ સાથે વૉક પણ કરવી જોઈએ. ફિઝિકલ એક્સરસાઈજ બ્લડ શુગરને કંટ્રોલ કરવામાં મદદ કરે છે.  તેથી એક્સપર્ટ્સ એ સલાહ આપે છે કે  શુગરના દરીઓ વધુથી વધુ ચાલવાની કોશિશ કરવી જોઈએ. ચાલો જાણીએ શુગરમાં વૉક કરવાથી આરોગ્યને કયો ફાયદો થાય છે અને ડાયાબિટીસના દર્દીઓએ એક દિવસમાં કેટલી વૉક કરવી  જોઈએ ?  

શુ ચાલવાથી શુગર ઓછી થાય છે ?

એક્સપર્ટ્સનુ માનીએ તો ડાયાબિટીસના દર્દીઓ માટે શારીરિક રીતે સક્રિય રહેવું ખૂબ જ મહત્વપૂર્ણ છે. જેટલા વધુ સક્રિય લોકો, તેમને ડાયાબિટીસનું જોખમ ઓછું થાય છે. ડાયાબિટીસમાં, તમે જેટલું વધુ ચાલશો, તેટલું જ ઝડપથી ખાંડનું સ્તર ઘટશે. ઝડપી ગતિએ ચાલવાથી સ્વાદુપિંડના કોષો ઝડપથી કામ કરે છે. ચાલવાથી ખાંડના ચયાપચયની ગતિ વધે છે, જે પાચન પ્રક્રિયામાં સુધારો કરે છે.

ડાયાબિટીસમાં વૉક કેટલી લાભકારી છે  ?  

ચાલવાથી શરીરને ઇન્સ્યુલિનનો સારી રીતે ઉપયોગ કરવામાં મદદ મળે છે.  બ્લડ સુગરના સ્તરને અસર કરતા તણાવને દૂર કરે છે. ઉપરાંત, હતાશા અને ચિંતાના લક્ષણો ઓછા થાય છે. ચાલવાથી કેલરી બળે છે અને તમારા હૃદયને સ્વસ્થ રાખવામાં મદદ મળે છે - ચાલવાની ગતિ વધારવાથી ફાયદા વધે છે.

ડાયાબિટીસમાં કેટલુ ચાલવુ ?                                                                                          

અમેરિકન ડાયાબિટીસ એસોસિએશનનુ માનીએ તો દિવસમાં 10,000 પગલાં અથવા 30 મિનિટ ચાલવાથી ખાંડને નિયંત્રિત કરવામાં મદદ મળી શકે છે. જો તમને એક સમયે 30 મિનિટ ચાલવામાં તકલીફ પડતી હોય, તો દિવસભર સવારે, બપોરે અને સાંજે ચાલો. આ સમય દરમિયાન તમારા આહાર પર નિયંત્રણ રાખો, ખાસ કરીને કાર્બોહાઇડ્રેટ્સ, જેને પચાવવા માટે મહત્તમ ચાલવાની જરૂર પડે છે. તેથી, ડાયાબિટીસના દર્દીઓએ સવારે કે સાંજે સમય કાઢીને ચાલવાનો પ્રયાસ કરવો જોઈએ.