KKR નો કાઉંટર અટેક, સતત બે બોલ પર ફાફ અને વિરાટ કોહલી આઉટ, ઉમેશનુ તોફાની સ્પેલ

મુંબઈના ડીવાય પાટિલ સ્ટેડિયમમાં આજે રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચે મેચ રમાઈ રહી છે. પ્રથમ બેટિંગ કરતા KKRએ RCB સામે 129 રનનો લક્ષ્યાંક રાખ્યો છે. સ્કોર નાનો છે, પરંતુ ઉમેશ યાદવના તોફાની સ્પેલ અને સાઉથીની અનુભવી બોલિંગે બેંગલુરુને આશા આપી છે.

ઉમેશે 2 વિકેટ લીધી  જેમા કોહલીની મહત્વની વિકેટનો પણ સમાવેશ છે. સાઉથીએ ફાફને આઉટ કર્યો. આરસીબીનો સ્કોર 9 ઓવરમાં 3 વિકેટે 53 રન થઈ ગયો છે.

બેંગલુરુના બેટર્સ વધુ કંઈ કરી શક્યા ન હતા. કોલકાતા તરફથી રમી રહેલો શ્રીલંકન સ્પિનર ​​હસરાંગાની સ્પિનમાં ફસાઈ ગયો. હસરંગાએ 4 વિકેટ લીધી હતી. સ્થિતિ એવી હતી કે 101 રનમાં ટીમની 9 વિકેટ પડી ગઈ હતી. છેલ્લી વિકેટે સૌથી વધુ 27 રનની ભાગીદારી કરી અને સ્કોર 128 સુધી પહોંચાડ્યો.

મેચની હાઈલાઈટ્સ 

1. ઉમેશની સ્વિંગની આગળ RCBનો ટોપ ઓર્ડર ઢેર 

છેલ્લી મેચમાં CSK સામે પ્લેયર ઓફ ધ મેચ બનેલા ઉમેશ યાદવે આ મેચમાં પણ પોતાની ગતિ જાળવી રાખી હતી. ઉમેશે પ્રથમ બે ઓવરમાં અનુજ રાવત (0) અને પૂર્વ RCB કેપ્ટન વિરાટ કોહલી (12)ને આઉટ કર્યા હતા. અનુજ અને કોહલીએ વિકેટકીપર શેલ્ડન જેક્સનને કેચ આપી દીધા હતા.

2. હસરંગાએ બેંગલુરૂને માટે રંગ જમાવ્યો 

વાનિન્દુ હસરંગાએ અદ્ભુત બોલિંગ કરતા 4 વિકેટ ઝડપી હતી. તેણે KKRના કેપ્ટન શ્રેયસ ઐયર (13), સુનીલ નારાયણ (12), શેલ્ડન જેક્સન (0) અને ટિમ સાઉથી (1)ને આઉટ કર્યા હતા.  ટુર્નામેન્ટમાં  તે 5 વિકેટ સાથે સૌથી આગળ છે અને હવે તેમની પાસે પર્પલ કેપ પણ છે. મેગા ઓક્શનમાં હસરંગાને RCBએ 10.75 કરોડમાં ખરીદ્યો હતો.

3. રસલની નાની પણ પાવરફુલ રમત 

11મી ઓવરના પાંચમા બોલ પર, આન્દ્રે રસેલે મેચમાં 3 વિકેટ લઈ ચુકેલા હસરંગા વિરુદ્ધ કાઉ-કોર્નરની દિશામાં 94 મીટરનો છગ્ગો ફટકાર્યો હતો. રસેલ પોતાની ઇનિંગમાં 3 સિક્સર ફટકારીને હર્ષલ પટેલની બોલ પર આઉટ થયો હતો. પોતાની 400મી  T20 મેચમાં રસેલે 25 રન બનાવ્યા.

4. બેંગલુરુની અંતિમ વિકેટે બચાવી લાજ 

છેલ્લી વિકેટની ભાગીદારી KKRએ પોતાના 9માં 101 રનના સ્કોર પર ગુમાવી હતી. તે પછી ઉમેશ યાદવ અને વરુણ ચક્રવર્તીએ છેલ્લી વિકેટ માટે 26 બોલમાં 27 રન જોડીને કોલકાતાને સન્માનજનક સ્કોર સુધી પહોંચાડી દીધી હતી. આ ભાગીદારી આકાશ દીપે ઉમેશ (18)ને આઉટ કરીને તોડી હતી. વરુણ 10 રન બનાવીને અણનમ રહ્યો હતો.

5. કલકત્તાના ઓપનર્સ માટે સ્પેશલ ફીલ્ડિંગ 

RCBના કેપ્ટન ફાફ ડુ પ્લેસિસે મેચમાં વેંકટેશ અય્યર અને અજિંક્ય રહાણે પર દબાણ બનાવવા માટે ખાસ ફિલ્ડિંગ લાગુ કરી હતી. અય્યર માટે, તેણે ડીપ પોઈન્ટ અને ડીપ સ્ક્વેર લેગ પર ફિલ્ડરને રાખ્યો હતો. વેંકટેશ ત્રીજી ઓવરમાં આકાશ દીપની બોલ પર 14 બોલમાં 10 રન બનાવીને આઉટ થયો હતો. તેનો કેચ શોર્ટ મિડવિકેટ બોલર આકાશે પકડ્યો હતો. રહાણેએ પણ 10 બોલમાં 9 રન બનાવ્યા બાદ બીજી જ ઓવરમાં પોતાની વિકેટ ગુમાવી દીધી હતી. અજિંક્યની વિકેટ મોહમ્મદ સિરાજે લીધી હતી અને ડીપ સ્ક્વેર લેગ ફિલ્ડર પર શાહબાઝ અહેમદના હાથે કેચ આઉટ થયો હતો.