IND vs AUS: રોહિત શર્માએ ઓસ્ટ્રેલિયા સામે સિડનીના મેદાન પર રમાય રહેલ ત્રીજી વનડે મેચમાં શાનદાર સદી જોવા મળી.

સિડની ક્રિકેટ ગ્રાઉન્ડ પર ભારત અને ઓસ્ટ્રેલિયા વચ્ચેની ત્રીજી વનડે મેચમાં રોહિત શર્માએ શાનદાર સદી ફટકારી અને અનેક રેકોર્ડ તોડી નાખ્યા. આ રોહિત શર્માની આંતરરાષ્ટ્રીય ક્રિકેટના ત્રણેય ફોર્મેટમાં ૫૦મી સદી હતી, જેના કારણે તે સચિન તેંડુલકર અને વિરાટ કોહલી પછી આ સીમાચિહ્ન પર પહોંચનાર ત્રીજો ભારતીય ખેલાડી બન્યો. રોહિત શર્માની વનડે ફોર્મેટમાં સદી ૨૦૨૩ના વનડે વર્લ્ડ કપમાં અફઘાનિસ્તાન સામેની તેની અગાઉની સદીના બે વર્ષ પછી આવી છે.

રોહિત કોહલીને પાછળ છોડી દીધો 

રોહિત શર્મા, જેમણે ટેસ્ટ અને T20 આંતરરાષ્ટ્રીય ક્રિકેટ બંનેમાંથી નિવૃત્તિની જાહેરાત કરી દીધી હતી, તેને ઓસ્ટ્રેલિયા સામેની ODI શ્રેણી પહેલા ODI ટીમના કેપ્ટનપદેથી દૂર કરવામાં આવ્યો હતો. ત્યારથી, બધાની નજર રોહિત શર્માના પ્રદર્શન પર છે. પર્થમાં તેના બેટે સારું પ્રદર્શન કર્યું ન હતું, પરંતુ ત્યારબાદ તેણે એડિલેડમાં અડધી સદી ફટકારી અને હવે સિડનીમાં સદી ફટકારી. આ રોહિત શર્માની ૩૩મી ODI સદી છે.

રોહિત હવે ઓસ્ટ્રેલિયામાં વિદેશી બેટ્સમેન દ્વારા સૌથી વધુ સદી ફટકારવાના મામલે વિરાટ કોહલી અને કુમાર સંગાકારાને પાછળ છોડી દીધો છે. ઓસ્ટ્રેલિયામાં રોહિતની આ છઠ્ઠી ODI સદી છે. વિરાટ કોહલીએ પાંચ સદી ફટકારી છે, જ્યારે કુમાર સંગાકારાએ પણ પાંચ સદી ફટકારી છે.

ઓસ્ટ્રેલિયામાં સૌથી વધુ સદીઓ બનાવનારા વિદેશી ખેલાડીઓ

રોહિત શર્મા (ભારતીય) - 6  સદી

વિરાટ કોહલી (ભારતીય) - 5 સદી

કુમાર સંગાકારા (શ્રીલંકા) - 5  સદી

આ સિદ્ધિ મેળવનાર માત્ર ત્રીજો ભારતીય ખેલાડી

રોહિત શર્માનો ODI ફોર્મેટમાં પ્રભાવશાળી બેટિંગ રેકોર્ડ છે, તેણે અત્યાર સુધીમાં ૩૩ સદી ફટકારી છે. આ રોહિત શર્માની આંતરરાષ્ટ્રીય ક્રિકેટના ત્રણેય ફોર્મેટમાં 50 મી સદી છે, જેના કારણે તે આ સિદ્ધિ મેળવનાર માત્ર ત્રીજો ભારતીય ખેલાડી છે. રોહિત શર્માએ ODIમાં 33 સદી ફટકારી છે, જ્યારે તેણે ટેસ્ટમાં 12  સદી અને T20 આંતરરાષ્ટ્રીય મેચોમાં પાંચ સદી ફટકારી છે. રોહિત આંતરરાષ્ટ્રીય ક્રિકેટમાં આ સિદ્ધિ મેળવનાર માત્ર 10 મો ખેલાડી છે.