Singer KK Passes Away: જાણીતા ગાયક કેકેનું 53 વર્ષની વયે અવસાન, કોલકાતામાં કોન્સર્ટ દરમિયાન આવ્યો હાર્ટએટેક

બોલીવુડ ઈન્ડસ્ટ્રીમાંથી ફરી એકવાર દુખદ સમાચાર સામે આવ્યા છે. પ્રખ્યાત ગાયક કેકેનું નિધન થયું છે. સિંગરે 53 વર્ષની વયે અંતિમ શ્વાસ લીધા. સૂત્રોના જણાવ્યા મુજબ, સિંગર કોલકાતામાં એક કોન્સર્ટ કરવા ગયા હતા. પરંતુ કોન્સર્ટ પછી અચાનક તેમની તબિયત બગડી, જે પછી તે પડી ગયા. ગાયકની તબિયત બગડતાં તેમને તાત્કાલિક નજીકની હોસ્પિટલમાં લઈ જવામાં આવ્યા હતા, જ્યાં ડોક્ટરોએ તેને મૃત જાહેર કર્યા. 

સિંગરના અચાનક  નિધનથી દરેક જણ સ્તબ્ધ છે. મોડી રાત્રે આ સમાચાર બહાર આવતા જ જેણે પણ સાંભળ્યું તે આશ્ચર્યચકિત થઈ ગયા. કેકેના અવસાનથી સમગ્ર બોલીવુડ જગતમાં શોકનું મોજુ ફરી વળ્યું છે. આ સમાચાર સામે આવતાની સાથે જ રમતગમત, મનોરંજન સહિત વિશ્વની ઘણી મોટી હસ્તીઓ સોશિયલ મીડિયા પર તેમને શોક વ્યક્ત કરી રહી છે. અભિનેતા અક્ષય કુમારે પણ ગાયકના નિધન પર શોક વ્યક્ત કર્યો હતો.

ગ્રેજ્યુએશન પૂર્ણ કર્યા પછી, કેકેએ માર્કેટિંગ એક્ઝિક્યુટિવ તરીકે નોકરી પણ લીધી. જોકે બોલિવૂડમાં આવવું તેના નસીબમાં લખાયેલું હતું. આવી સ્થિતિમાં, તેણે અધવચ્ચે જ નોકરી છોડી દીધી અને મનોરંજનની દુનિયામાં નામ કમાવવા માટે બોલીવુડમાં આવી. કેકેને ફિલ્મ 'હમ દિલ દે ચૂકે સનમ'ના ગીત 'ટડપ તડપ'થી બોલિવૂડમાં મોટો બ્રેક મળ્યો હતો.  આ ગીત પછી તેની ગણતરી મોટા ગાયકોમાં થવા લાગી. તેમના મુખ્ય ગીતોમાં 'યારોં', 'પલ', 'કોઈ કહેતા રહે', 'મૈંને દિલ સે કહા', 'આવારાપન બંજારાપન', 'દસ બહાને', 'અજબ સી', 'ખુદા જાને' અને 'દિલ ઇબાદત'નો સમાવેશ થાય છે. 'તુ હી મેરી શબ હૈ' જેવા ગીતો.