મેક્સિકો વિસ્તારમાં રહેતી 11 બાળકોની માતા આ દિવસોમાં સોશિયલ મીડિયા પર ટીકાઓનો સામનો કરી રહી છે. મહિલાના કહેવા પ્રમાણે, તેણે લગ્ન કર્યા પછી ક્યારેય કોઈ ગર્ભનિરોધક પગલાં લીધાં નથી અને હવે તે બારમી વખત ગર્ભવતી છે. કર્ટની રોજર્સ નામની આ મહિલાના ઈન્સ્ટાગ્રામ પર 29 હજાર ફોલોઅર્સ છે. આટલા બધા બાળકોને જન્મ આપવા બદલ કર્ટનીને સોશિયલ મીડિયા પર ટ્રોલ કરવામાં આવી રહી છે પરંતુ, કોર્ટની કહે છે કે તેને કોઈ વાંધો નથી.

37 વર્ષીય કર્ટનીએ 2008માં પાદરી ક્રિસ સાથે લગ્ન કર્યા અને ત્યારથી તે દર વર્ષે ગર્ભવતી રહે છે. હાલમાં, કર્ટની બારમી વખત માતા બનવાની છે અને તેની ડિલિવરીની તારીખ માર્ચમાં છે.

આ કપલે અત્યાર સુધીમાં 11 બાળકોને જન્મ આપ્યો છે, જેમના નામ ક્લિન્ટ, ક્લે, કેડ, કેલી, કેશ, કોલ્ટ, કેસ, કેલિના, કોરાલી અને કેરિસ છે. જેમાં સૌથી મોટા બાળકની ઉંમર અગિયાર વર્ષ અને સૌથી નાનાની ઉંમર લગભગ એક વર્ષની છે.

રોજર્સે ધ સન અખબારને જણાવ્યું હતું કે તેણી તેના તમામ બાળકોની સંભાળ પોતે જ લે છે. આટલું જ નહીં, તે ડાયપરને બદલે નેપ્પીનો ઉપયોગ કરીને પૈસા બચાવે છે અને પોતાના ખેતરમાં ઉગાડેલા ફળ બાળકોને ખવડાવે છે. રોજર્સે એ પણ જણાવ્યું કે તે તેના ખેતરમાં ખેતી વધારવા માટે પણ કામ કરી રહી છે.