કાનપુર શૂટઆઉટના મોસ્ટવાન્ટેડ વિકાસ દુબેની મધ્યપ્રદેશના ઉજ્જૈનથી ધરપકડ કરવામાં આવી છે. કહેવામાં આવી રહ્યું છે કે વિકાસ દુબેએ મહાકાળેશ્વર મંદિરની કાપલી કાપીને આ પછી પોતાને આત્મસમર્પણ કર્યું. હાલ સ્થાનિક પોલીસે તેને કસ્ટડીમાં લીધો છે.
એવુ કહેવામાં આવી રહ્યું છે કે વિકાસ દુબેએ પોતાના સરંડર વિશે સ્થાનિક મીડિયાને માહિતી આપી હતી. આ પછી, તેણે ઉજ્જૈનના મહાકાલ પોલીસ સ્ટેશન પાસે સ્થાનિક પોલીસ સમક્ષ આત્મસમર્પણ કર્યું. પોલીસે આરોપી વિકાસ દુબેની ધરપકડ કરી તેને મહાકાલ પોલીસ સ્ટેશન લઈ આવી છે. શરણાગતિના સમાચાર બાદ એસટીએફની ટીમ ઉજ્જૈન જવા રવાના થઈ છે.
મંદિરની બહાર ચીસો પાડી રહ્યો હતો - હા હુ વિકાસ દુબે છુ
એવુ કહેવામાં આવી રહ્યું છે કે વિકાસ દુબે મહાકાલ મંદિરની સામે ઉભો હતો જેવી સ્થાનિક મીડિયા ત્યાં પહોંચી તો તેણે ચીસો પાડી કે કહ્યુ કે હું વિકાસ દુબે છું. આ પછી સ્થાનિક પોલીસ પણ ઘટના સ્થળે પહોંચી ગઈ હતી. તેને તાત્કાલિક ધરપકડ કરી સીધો મહાકાલ પોલીસ સ્ટેશન લાવવામાં આવ્યો, જ્યાં તેની પૂછપરછ કરવામાં આવી રહી છે.
ધરપકડ સંદર્ભે ગૃહમંત્રી નિવેદન આપવાનું ટાળી રહ્યા છે
મધ્યપ્રદેશના ગૃહમંત્રી નરોત્તમ મિશ્રા કહે છે કે હાલમાં વિકાસ દુબે મધ્યપ્રદેશ પોલીસની કસ્ટડીમાં છે. ધરપકડ કેવી રીતે થઈ ? તે વિશે કંઇ કહેવું યોગ્ય નથી. મંદિરની અંદર અથવા બહારથી ધરપકડ કરવા વિશે કહેવું પણ યોગ્ય નથી. તેણે શરૂઆતથી જ ક્રૂરતાની બધી મર્યાદા ઓળંગી હતી. ઘટના બાદથી જ અમે પોલીસને એલર્ટ પર રાખી હતી.
