અંકિતા લોખંડેના હાથમાં ફેક્ચર, હોસ્પિટલમાં દાખલ: પતિ વિકી જૈન સાથે શેર કરી તસવીરો

અભિનેત્રી અંકિતા લોખંડેના હાથમાં ઈજા થઈ છે. જેના કારણે તેને હોસ્પિટલમાં દાખલ કરવી પડી હતી.   અંકિતાએ પોતે આ માહિતી અને તસવીરો શેર કરી છે. આ તસવીરોમાં તેની સાથે પતિ વિકી જૈન પણ જોવા મળી રહ્યો છે.

ગુરુવારે મોડી રાત્રે અંકિતાએ ઈન્સ્ટાગ્રામ પર કેટલીક તસવીરો શેર કરી હતી, જેમાં તેનો જમણો હાથ ઈજાગ્રસ્ત જોવા મળે છે. આ મુશ્કેલ સમયમાં પતિ વિકી પણ તેની સાથે હાજર છે. આ તસવીરોની સાથે અંકિતાએ કેપ્શનમાં લખ્યું છે- બીમારીમાં અને સારા સ્વાસ્થ્યમાં સાથે.

અંકિતાના વર્ક ફ્રન્ટની વાત કરીએ તો તે તાજેતરમાં જ ફિલ્મ સ્વતંત્ર વીર સાવરકરમાં જોવા મળી હતી. આ ફિલ્મમાં તેની સાથે રણદીપ હુડ્ડા પણ જોવા મળ્યો હતો. આગામી દિવસોમાં તે વેબ સિરીઝ આમ્રપાલીમાં જોવા મળશે. આ સિરીઝમાં તે આમ્રપાલીના રોલમાં જોવા મળશે.