T20 World Cup 2024 Semi-finals: કેટલા વાગે શરૂ થશે મેચ, કેવી રીતે જોઈ શકશો લાઈવ મેચ

semi final

ICC World Cup 2024 Semi Finals Time and live updates:  ટી20 વર્લ્ડ કપ 2024માં હવે સેમિફાઇનલનો વારો છે. જો કે બંને સેમિફાઇનલ અલગ-અલગ દિવસે રમાશે, પરંતુ ભારતમાં આ મેચો એક જ દિવસે યોજાશે. એટલે કે ICC વર્લ્ડ કપની સેમિફાઇનલ 27 જૂને જ રમાશે. આ વખતે જે ચાર ટીમોએ સેમીફાઈનલમાં પોતાનું સ્થાન નિશ્ચિત કરી લીધું છે, ભારત ઉપરાંત ઈંગ્લેન્ડ, દક્ષિણ આફ્રિકા અને અફઘાનિસ્તાનની ટીમો તેમાં સામેલ છે. ભારતનો સામનો  બે વખતની ચેમ્પિયન ઈંગ્લેન્ડ સાથે થશે. જ્યારે દક્ષિણ આફ્રિકા અફઘાનિસ્તાન સામે ટકરાશે. અફઘાનિસ્તાનની ટીમ પહેલીવાર કોઈ ICC ઈવેન્ટની સેમીફાઈનલમાં પહોંચી છે.  તેથી રોમાંચ વધી ગયો છે. 

semi final

સવારથી લઈને રાત સુધી ચાલશે મુકાબલો 

T20 વર્લ્ડ કપની પ્રથમ સેમિફાઇનલ અફઘાનિસ્તાન અને દક્ષિણ આફ્રિકા વચ્ચે રમાશે. જે ભારતીય સમય અનુસાર સવારે 6 વાગ્યે શરૂ થશે. ટોસ આના અડધા કલાક પહેલા એટલે કે 5:30 વાગ્યે થશે. ભારત અને ઈંગ્લેન્ડ બીજી સેમીફાઈનલમાં ટકરાશે. આ મેચ ભારતીય સમય અનુસાર રાત્રે 8 વાગ્યાથી રમાશે.  બીજી સેમિફાઇનલ એ ભારત અને ઇંગ્લેન્ડ વચ્ચે T20 વર્લ્ડ કપ 2022 સેમિફાઇનલનું પુનરાવર્તન છે. ગત વખતે ઈંગ્લેન્ડે ભારતીય ટીમને કારમી હાર આપી હતી, પરંતુ આ વખતે ભારતીય ટીમની બોલિંગ અને રણનીતિમાં બદલાવ તેમના માટે કારગર સાબિત થઈ રહ્યો છે. શું તેઓ એ હારનો બદલો લઈ શકશે? આ પોતાનામાં એક મોટો પ્રશ્ન છે. 

ટી20 વર્લ્ડ કપ 2024 સેમિ-ફાઇનલ શેડ્યૂલ 

સેમિ-ફાઇનલ 1: દક્ષિણ આફ્રિકા વિ અફઘાનિસ્તાન: બ્રાયન લારા ક્રિકેટ એકેડમી, ત્રિનિદાદ

સેમિ-ફાઇનલ 2: ભારત વિ ઇંગ્લેન્ડ - પ્રોવિડન્સ સ્ટેડિયમ, જ્યોર્જટાઉન, ગયાના

મેચનો સમય   

પહેલી સેમિફાઇનલ બુધવાર, 26 જૂન સ્થાનિક સમયની સાંજે યોજાવાની છે, જો કે, તે ગુરુવાર, જૂન 27 ના રોજ સવારે 6 વાગ્યે શરૂ થશે. બીજી તરફ, બીજી સેમિફાઇનલ સ્થાનિક સમય મુજબ 27 જૂન, ગુરુવારે સવારે થશે, પરંતુ તે ભારતીય સમય અનુસાર રાત્રે 8 વાગ્યે શરૂ થશે. પહેલી સેમિફાઇનલને રિઝર્વ ડે મળ્યો છે, જ્યારે બીજી સેમિફાઇનલને રિઝર્વ ડે મળ્યો નથી, પરંતુ વરસાદને કારણે મેચમાં વિક્ષેપ આવે તો રમતને લંબાવવા માટે 250 મિનિટનો વધારાનો સમય આપવામાં આવ્યો છે.

લાઈવ ટેલિકાસ્ટ અને લાઈવ સ્ટ્રીમિંગ 

સમગ્ર T20 વર્લ્ડ કપ 2024ની જેમ, સેમિફાઇનલનું લાઈવ પ્રસારણ સ્ટાર સ્પોર્ટ્સ નેટવર્ક પર સ્ટાર સ્પોર્ટ્સ 1, સ્ટાર સ્પોર્ટ્સ 1 HD, સ્ટાર સ્પોર્ટ્સ 1 હિન્દી, સ્ટાર સ્પોર્ટ્સ 1 હિન્દી HD અને સ્ટાર સ્પોર્ટ્સ નેટવર્કની અન્ય ચેનલો પર કરવામાં આવશે. મેચનું લાઈવ સ્ટ્રીમિંગ Disney+ Hotstar એપ અને વેબસાઈટ પર જોઈ શકાય છે. તમે Hotstar પર  બધી મેચનો આનંદ માણી શકો છો. આ માટે કોઈ વધારાનો ચાર્જ ચૂકવવો પડશે નહીં.