Jasmine Lamboriya Image source_X
ભારતની મહિલા બોક્સર જૈસ્મીન લેમ્બોરિયાએ લિવરપૂલમાં ચાલી રહેલી વર્લ્ડ બોક્સિંગ ચેમ્પિયનશિપ 2025માં 57 કિલોગ્રામ કેટેગરીમાં ગોલ્ડ મેડલ જીત્યો છે. ફાઇનલ મેચમાં જૈસ્મીનનો સામનો પોલેન્ડની બોક્સર જુલિયા શ્રેમેટા સામે થયો હતો, જેને તે હરાવવામાં સફળ રહી હતી. વર્લ્ડ ચેમ્પિયનશિપમાં ભારત માટે આ અત્યાર સુધીનો પહેલો ગોલ્ડ મેડલ છે. આ મેચના પહેલા રાઉન્ડમાં જાસ્મીન થોડી પાછળ હતી, પરંતુ તે પછી તેણે બીજા રાઉન્ડમાં શાનદાર વાપસી કરી અને મેચ જીતી લીધી.
જૈસ્મીને પોલેન્ડની બોક્સરને 4-1 ના માર્જિનથી હરાવી
વર્લ્ડ ચેમ્પિયનશિપમાં, 57 કિગ્રા મહિલા વર્ગમાં જૈસ્મીન લેમ્બોરિયાનો મુકાબલો પોલેન્ડની જુલિયા સેરેમેટા સામે હતો, જેણે 2024 માં પેરિસ ઓલિમ્પિકમાં સિલ્વર મેડલ જીત્યો હતો, તેથી આ મેચ જાસ્મીન માટે સરળ ન હતી. ગોલ્ડ મેડલ મેચના પહેલા રાઉન્ડમાં પણ આવું જ કંઈક જોવા મળ્યું, જેમાં જાસ્મીન લેમ્બોરિયા થોડા દબાણમાં દેખાતી હતી, પરંતુ બીજા રાઉન્ડમાં તેણીએ વાપસી કરી અને વિભાજીત નિર્ણયથી મેચ જીતી લીધી જેમાં તેણીએ 4-1 ના માર્જિનથી જીત મેળવી.
ગોલ્ડ મેડલ જીત્યા પછી, જૈસ્મીને Olympics.com ને આપેલા ઇન્ટરવ્યુમાં કહ્યું કે હું મારી ફિલિંગનું વર્ણન કરી શકતી નથી, વર્લ્ડ બોક્સિંગ ચેમ્પિયન બનવાથી ખૂબ જ ખુશ છું. પેરિસ 2024 માં શરૂઆતમાં બહાર થયા પછી, મેં મારી ટેકનિકમાં શારીરિક અને માનસિક રીતે સુધારો કર્યો. આ એક વર્ષની સતત મહેનતનું પરિણામ છે. પેરિસ ઓલિમ્પિકમાં જાસ્મીન લેમ્બોરિયાનું પ્રદર્શન ખૂબ જ નિરાશાજનક હતું અને જેમાં તે ખૂબ જ વહેલા બહાર થઈ ગઈ હતી.
પૂજા રાનીને બ્રોન્ઝ મેડલથી કરવો પડ્યો સંતોષ, નુપુરે જીત્યો સિલ્વર મેડલ
વર્લ્ડ ચેમ્પિયનશિપમાં પૂજા રાની ઉપરાંત મહિલા 80 કિગ્રા વર્ગમાં ભાગ લઈ રહી ભારતીય બોક્સર પૂજા રાનીને સેમિફાઇનલ મેચમાં હારનો સામનો કરવો પડ્યો હતો જેના કારણે તેને બ્રોન્ઝ મેડલથી સંતોષ માનવો પડ્યો હતો. બીજી બાજુ નુપુરે 80 કિગ્રા વર્ગમાં સિલ્વર મેડલ જીત્યો હતો.
