Webdunia - Bharat's app for daily news and videos

Install App

ગુજરાતના શહેરો પાછળ સરકારે ખર્ચેલા રૂપિયાના આંકડા જાણો

Webdunia
બુધવાર, 7 ફેબ્રુઆરી 2018 (14:57 IST)
ગુજરાત સ્થાપનાની સ્વર્ણિમ જયંતિ અવસરે શરૂ થયેલી સ્વર્ણિમ જયંતિ શહેરી વિકાસ યોજનાએ રાજ્યના શહેરોના સર્વાંગી વિકાસને નવી દિશા આપી છે. વર્ષ-2009થી અમલમાં આવેલી આ યોજનામાં વર્ષ-2017-18 સુધીમાં 24 હજાર કરોડથી વધુ રકમની બજેટ જોગવાઇ દ્વારા શહેરો-નગરોના આંતરમાળખાકીય વિકાસ કામો સાથે આગવી ઓળખના કામો દ્વારા રાજ્યના શહેરો-નગરોના કલેવર બદલાઇ ગયા છે.શહેરના સર્વાંગી વિકાસ માટેની આ સ્વર્ણિમ જયંતિ મુખ્યમંત્રી શહેરી વિકાસ યોજનાની રાજ્યના શહેરી વિકાસ અને શહેરી ગૃહ નિર્માણ વિભાગ દ્વારા વર્ષ-2009માં શરૂઆત કરવામાં આવી.

યોજનાના પ્રથમ તબક્કામાં વર્ષ-2009-2014ના પાંચ વર્ષ દરમિયાન રૂ. 7,000 કરોડ અને વર્ષ-2012-2017ના પાંચ વર્ષના બીજા તબક્કામાં બમણાંથી વધુ એટલે કે રૂ.15000 કરોડ મળી કુલ રૂ. 22 હજાર કરોડની બજેટ જોગવાઇ કરવામાં આવી હતી. એટલું જ નહીં વર્ષ-2017-18માં આ યોજના અંતર્ગત રૂ.2791.27 કરોડની બજેટ જોગવાઇ કરાઇ હતી. આમ, આ યોજના શરૂ થઇ ત્યારથી એટલે કે વર્ષ-2009થી અત્યાર સુધીમાં કુલ રૂ. 24,791.27 કરોડની બજેટ જોગવાઇ શહેરોના સર્વાંગી વિકાસ માટે કરવામાં આવી હોવાનું નિયામક, નગરપાલિકાઓની કચેરીના નાયબ નિયામકની યાદીમાં જણાવાયું છે.આ યોજના અંતર્ગત ભૂગર્ભ ગટરના કામો, ટ્રાફિક વ્યવસ્થા, ફલાય ઓવરબ્રીજ, આંગણવાડી વગેરે જેવા આંતરમાળખાકીય વિકાસના કામો ઉપરાંત બગીચા, સ્વીમીંગ પુલ, ટાઉનહૉલ, હેરીટેજના કામો, તળાવનો વિકાસ, રિવરફ્રન્ટ ડેવલપમેન્ટ વગેરે આગવી ઓળખના કામો કરવામાં આવે છે. આ સિવાય ખાનગી સોસાયટીઓમાં જનભાગીદારી દ્વારા માળખાકીય સુવિધાના કામો, નગર સેવા સદનના મકાન બાંધકામ-મરામતના કામો પણ આવરી લેવાય છે. રાજ્યની મહાનગરપાલિકામાં આ યોજના અંતર્ગત રૂ.12,334 કરોડના 11,297 કામોને વહીવટી મંજૂરી અપાઇ હતી તે સામે રૂ.10,551 કરોડની ગ્રાન્ટ ચૂકવવામાં આવી હતી અને વિકાસના 9,588 કામો પૂર્ણ કરાયા અને 1,346 કામો પ્રગતિ હેઠળ છે.આ કામમાં સૌથી મહત્વના એવા ભાવનગર અને જામનગર મહાનગરપાલિકાઓને અંદાજે રૂ.240 કરોડના ભૂગર્ભ ગટરના કામોની મંજૂરીનો પણ સમાવેશ થાય છે. આ ઉપરાંત મહાનગરપાલિકાના આગવી ઓળખના રૂ.1,442 કરોડના 42 કામોમાંથી અમદાવાદમાં વી.એસ. મલ્ટીસ્ટોરીડ હોસ્પિટલ, ગર્લ્સ હોસ્ટેલ, યુજી હોસ્ટેલ, ગોતા-ગોધાવી કેનાલ, નર્મદા કેનાલથી કોતરપુર વોટર વર્કસ સુધીની ગ્રેવીટી લાઇન, કેબલ સ્ટેઇડ બ્રીજ, ઓડિટોરીયમ, આઉટ ડોર સ્ટેડીયમ, લેક અને ગાર્ડન ડેવલપમેન્ટ, સ્વીમીંગ પુલ, ટાઉનહોલ, રીવરફ્રન્ટ કન્વેન્શન સેન્ટર, જામનગરમાં લાખોટા કોઠા રીસ્ટોરેશન, રણમલ તળાવ વિકાસ, જોગીંગ ટ્રેક, મ્યુઝીકલ ફાઉન્ટેન, લેસર શૉ, ઉપરાંત હેરીટેજના કામોનો પણ સમાવેશ થાય છે. જેમાં જૂનાગઢ ખાતે દામોદર કુંડ વિકાસ, દિવાન ચોક, સર્કલ ચોક, મજેવડી દરવાજા, નરસિંહ મહેતાના ચોરાનો વિકાસ જેવા કામોની મંજૂરીનો પણ સમાવેશ થાય છે.આ ઉપરાંત આંગણવાડીના મકાનોના બાંધકામ માટે 1961 યુનિટના લક્ષ્યાંક સામે રૂ.145.75 કરોડની ગ્રાન્ટની ચૂકવણી કરવામાં આવી છે. જે પૈકી આંગણવાડીના બાંધકામના 1,492 કામો પૂર્ણ થયા છે અને 231 કામો પ્રગતિ હેઠળ હોવાનું જણાવાયું છે.

સંબંધિત સમાચાર

વધુ જુઓ..

જરૂર વાંચો

Gathbandhan in Wedding: આ 5 બાબતો લગ્નજીવનની વાસ્તવિક ચાવી છે, તેમના વિના બે હૃદયનું મિલન અધૂરું છે

Gujarati Baby Girl Names A to Z- ગુજરાતી બેબી ગર્લ નામો

World Hypertension Day -હાયપરટેન્શન એ હાર્ટ એટેક અને મૃત્યુનું મુખ્ય કારણ છે, જાણો ઇતિહાસ, મહત્વ

પંજાબી ચિકન સીખ કબાબ

Hing Jeera Dal Tadka- શું તમે જાણો છો કે દાળ અને શાકભાજીમાં હિંગ-જીરું મિક્સ કરવાથી શું થાય છે?

વધુ જુઓ..

નવીનતમ

ગાયક સોનુ નિગમના ઘરે પોલીસ પહોંચી, મામલો કન્નડ વિવાદ સાથે જોડાયેલો છે

Cannes 2025 ફેસ્ટિવલમાં ભાવુક થઈ Jacqueline Fernandez

હનીમૂન ટૂર પેકેજની સુવિધાઓ વિશે સાંભળીને તમારા પતિ પણ ખુશ થશે, બજેટ પણ સારું છે

અમિતાભ બચ્ચનની નાતિન નવ્યા નવેલી ચંદાએ બતાવી કોલેજ લાઈફની ઝલક, લખ્યુ - કૈપસ જે ઘરમાં બદલાય ગયુ

પત્ની જેનેલિયાએ આમિર ખાન સાથે બનાવી જોડી, ટ્રેલર જોયા પછી ખુશીથી ઉછળ્યા રિતેશ દેશમુખ, આ રીતે કર્યા વખાણ

આગળનો લેખ
Show comments