જલાલપોરના એક ગામમાં પતિથી અલગ રહેતી એક યુવતીનો ન્હાતો હોવાનો વીડિયો તેની બહેનપણીએ શૂટ કર્યો હતો. જે બાદ આ વીડિયો તેની બહેનપણીએ તેના પૂર્વ પ્રેમીને મોકલ્યો હતો. ત્યારે બહેનપણીના પૂર્વ પ્રેમીએ આ વીડિયો સોશ્યલ મીડિયામાં વાયરલ કર્યો હતો. જેને લઈ યુવતીએ તેની બહેનપણી તેમજ તેના પૂર્વ પ્રેમી વિરૂદ્ધ જલાલપોર પોલીસ મથકમાં ફરિયાદ નોંધાવી હતી.
જેથી પોલીસે બન્ને આરોપીઓની ધરપકડ કરી છે.જલાલપોરના એક ગામમાં રહેતી બે બહેનપણીનો સબંધ ગાઢ હતો. બન્ને એકબીજા પર વિશ્વાસ ધરાવતી હતી. એક દિવસે બન્નેને કોઈ કામથી ઉતાવળમાં બહાર જવાનું હતું. જેથી તેઓએ એક જ બાથરૂમમાં સાથે ન્હાવાનું નક્કી કર્યુ હતું. આ દરમિયાન કામિની (નામ બદલ્યું છે) ન્હાતી હતી ત્યારે રૂપાલી (નામ બદલ્યું છે) એ છુપાઈને કામિનીનો નગ્ન અવસ્થાનો વીડિયો મોબાઈલમાં રેકોર્ડ કર્યો હતો. જે વીડિયો રૂપાલીએ પોતાના પૂર્વ પ્રેમી મિત્તલ ટંડેલને સેન્ડ કર્યો હતો અને તેણે આ વીડિયો ગામમાં અન્ય લોકોને સેન્ડ કરતા કામિનીને તેની જાણ થતાં જલાલપોર પોલીસ મથકમાં મિત્ર યુવતી રૂપાલી અને તેના પૂર્વ પ્રેમી વિરૂદ્ધ ફરિયાદ દાખલ કરી હતી. જેને લઈ પોલીસ દ્વારા બન્નેની ધરપકડ કરવામાં આવી છે.
આ સમગ્ર ઘટના એક વર્ષ પહેલાં બની હતી. જોકે, છેલ્લા 3 માસ અગાઉ ગામમાં સોશ્યલ મીડિયા મારફતે આ વીડિયો વાયરલ થયો હતો. કામિની(નામ બદલ્યું છે)ના લગ્ન 2015માં થયા હતા. જોકે, પતિ સાથે ખટરાગ થતાં છેલ્લા 4 વર્ષથી કામિની પોતાના પિયરમાં રહેતી હતી. ત્યારે આશરે 1 વર્ષ પહેલાં રૂપાલીએ આવા પ્રકારની નિમ્ન કક્ષાની હરકત કરી હતી. જેને લઈ સમગ્ર ગામમાં આરોપી યુવતી વિરૂદ્ધ ફિટકારની લાગણી જોવા મળી રહી છે. રૂપાલી(નામ બદલ્યું છે) નો પૂર્વ પ્રેમી મિત્તલ ઓખા ખાતે બોટમાં નોકરી કરે છે. પોલીસે હાલ આ બન્ને આરોપીઓની ધરપકડ કરી લીધી છે. તેમજ રૂપાલીના પૂર્વ પ્રેમીએ આ વીડિયો ગામના અન્ય કોને કોને સેન્ડ કર્યો છે તેની તપાસ હાલ શરૂ કરવામાં આવી છે. ત્યારે આ બનાવ અન્ય યુવતીઓ માટે લાલબંતી સમાન બન્યો છે.
