દરિયામાં વરસાદી સિસ્ટમ સર્જાવાને કારણે ગુજરાતમાં વરસાદ વધુ થાય છે, સુકાભઠ્ઠ રહેતા કચ્છમાં ચાલુ વર્ષે 117 ટકા વરસાદ વરસ્યો

વિશેષ રિપોર્ટ

ગુજરાતમા ગત વર્ષની સરખામણીએ આ વર્ષે બમણો વરસાદ વરસ્યો છે. આ વરસાદની પાછલ દરિયામાં ઉત્તપન્ન થયેલી વરસાદી સિસ્ટમ જવાબદાર છે.અરબ સાગરમાં સર્જાયેલી સાયક્લોનિક સર્ક્યુલેશનની અસરથી ગુજરાતમાં દક્ષિણ અને સૌરાષ્ટ્રમાં આ વખતે વરસાદનું પ્રમાણ વધુ છે. તે ઉપરાંત કચ્છ વિસ્તાર જે સુકોભઠ્ઠ હોય છે. ત્યાં આ વર્ષે સવા સો ટકા વરસાદ વરસ્યો છે.

ઝોન પ્રમાણે વરસાદની સ્થિતિ જોઈએ તો કચ્છમાં 21 ઈંચ સાથે 117 ટકા, ઉત્તર ગુજરાતમાં 15 ઈંચ સાથે 55.77 ટકા, મધ્ય ગુજરાતમાં 19 ઈંચ સાથે 60 ટકા, સૌરાષ્ટ્રમાં 17 ઈંચ સાથે 61.32 ટકા જ્યારે દક્ષિણ ગુજરાતમાં 47 ઈંચ સાથે 81.92 ટકા વરસાદ નોંધાયો છે. રાજ્યની વાત કરીએ તો સરેરાશ 23 ઈંચ સાથે 69.22 ટકા વરસાદ નોંધાયો છે. ઉત્તર ગુજરાત અને મધ્ય ગુજરાતમાં સૌથી ઓછો વરસાદ નોંધાયો છે. અત્યારે ગુજરાતમાં અમદાવાદ, નવસારી, રાજકોટ જેવાં સંખ્યાબંધ સ્થળોએ જળબંબાકાર જેવી સ્થિતિ થઈ જાય એવો વરસાદ આવી ગયો. એની પાછળ પણ લા નિના નામની ઘટનાની અસર છે.

La Nina:

લા નીના એટલે ENSO ન્યુટ્રલ કન્ડિશન નું વધુ મજબૂત રૂપ. લા નીના માં પશ્ચિમી ટ્રેડ વિન્ડ નોર્મલ કન્ડિશન થી વધુ મજબૂત થાય છે જેથી ઓસ્ટ્રેલિયા બાજુ ગરમ પાણી વધુ એકઠું થાય છે. સામાન્ય રીતે વરસાદ ગરમ પાણી બાજુ હોય છે અને તેથી ઓસ્ટ્રેલિયા બાજુ નોર્મલ થી વધુ વરસાદ પડે છે અને દક્ષિણ અમેરિકા બાજુ ઓછો વરસાદ પડે છે.

આ વખતે કચ્છ અને દક્ષિણ ગુજરાતમાં સૌથી વધુ વરસાદ નોંધાયો છે. કચ્છમાં 21 ઈંચ સાથે 117 ટકા જ્યારે દક્ષિણ ગુજરાતમાં 47 ઈંચ સાથે 81.92 ટકા વરસાદ થયો છે. પરંતુ ઉત્તર ગુજરાતની વાત કરીએ તો આ વખતે સૌથી ઓછો વરસાદ ઉત્તર ગુજરાતમાં નોંધાયો છે. અત્યાર સુધીમાં સિઝનનો 15 ઈંચ વરસાદ થયો છે. હજી તો આખા ચોમાસાની સિઝન બાકી છે. માત્ર શરૂઆતમાંજ ગુજરાતમાં 70 ટકા જેટલો વરસાદ ખાબકી ગયો છે. બીજી તરફ જોઈએ તો દાહોદ જિલ્લામાં 8 ઈંચ સાથે વરસાદનું પ્રમાણ માત્ર 29 ટકા છે. આ વિસ્તારમાં વરસાદ ખૂબજ ઓછો થયો છે.