ગુજરાતમાં 8 મહિનામાં અધધધ 25000 કરોડનું ડ્રગ્સ ઝડપાયુ, ગુજરાતના યુવાનોને ડ્રગ્સની લત લગાવવા માંગતા ડ્રગ્સ માફિયાઓ ક્યારે પકડાશે ?

ગુજરાતના દરિયા કિનારે ડ્રગ્સ પકડાવાનો સિલસિલો યથાવત છે. પ્રાપ્ત માહિતી અનુસાર ગુજરાત ATS અને ઇન્ડિયન કોસ્ટગાર્ડે સંયુક્ત ઓપરશન કરીને 280 કરોડનું ડ્રગ્સ ઝડપી પાડ્યુ છે. પાકિસ્તાનથી આવતી બોટમાંથી ડ્રગ્સના 55 પેકેટ મળ્યાનું જાણવા મળ્યું છે. પ્રાપ્ત માહિતી અનુસાર કરાંચીથી અલહજ નામની બોટ આવતી હતી, જેની તપાસ કરવામાં આવતા ડ્રગ્સના જથ્થા સાથે 9 આરોપીની ધરપકડ કરાઈ છે. બોટમાં હેરોઇન હોવાની માહિતી મળતા ઈન્ડિયન કોસ્ટગાર્ડ અને ગુજરાત ATSનું ઓપરેશન પાર પાડ્યુ છે. કોસ્ટ ગાર્ડની બોટ જોઈને ડ્રગ-પેડલર્સે ભાગવાનો પ્રયાસ કર્યો હતો. તેમને રોકવા કોસ્ટગાર્ડની ટીમે ગોળીબાર કર્યો હતો, જેમાં 3થી 4 ડ્રગ-પેડલર ઈજાગ્રસ્ત થયા હતા.

દરમિયાન ભારતીય જળ સીમાથી 14 નોટિકલ માઈલ અંદર આ બાતમીવાળી બોટ અલ-હજ આવતાં કોસ્ટ ગાર્ડની ટીમે એને રોકવા જણાવ્યું હતું, પરંતુ ડ્રગમાફિયાઓએ બોટ પૂરઝડપે ભગાવી દીધી હતી. જેથી કોસ્ટ ગાર્ડની ટીમે ગોળીબાર કર્યો હતો, જેમાં બોટમાં સવાર 3થી 4 વ્યકિત ઈજાગ્રસ્ત થઈ હતી. જ્યારે પોલીસે બોટ સર્ચ કરતાં એમાંથી 56 પેકેટમાંથી 56 કિલો હેરોઈન(કિંમત રૂ.280 કરોડ)નું મળી આવ્યું હતું. જોકે આ ડ્રગ્સ બોટમાં ક્યાંથી ભરવામાં આવ્યું હતું અને ઉત્તર ભારતમાં ક્યાં આપવાનું હતું એ માહિતી મુસ્તુફા સિવાય બીજું કોઈ જાણતું ન હોવાથી પોલીસે એ દિશામાં તપાસ શરુ કરી છે. જોકે આ ઓપરેશન પાર પાડયા પાર એનસીબીની પણ મદદ લેવામાં આવી હતી.

કંડલા પોર્ટ પર આવેલાં 17 કન્ટેનરમાં પૈકીના 1 માંથી 205 કિલો હેરોઈન મળ્યું

23 એપ્રિલ 2022, વડોદરામાંથી 7 લાખથી વધુનું ડ્રગ્સ ઝડપાયું

21 એપ્રિલ 2022, કંડલા પોર્ટ પરથી 250 કિલો ડ્રગ્સ ઝડપાયું

3 માર્ચ 2022, અમદાવાદ એરપોર્ટ પરથી 60 કરોડનું ડ્રગ્સ ઝડપાયું

13 ફેબ્રુઆરી 2022, અરબી સમુદ્રમાંથી 800 કિલો ડ્રગ્સ ઝડપાયું

15 નવેમ્બર 2021, મોરબીમાંથી 600 કરોડનું ડ્રગ્સ ઝડપાયું

10 નવેમ્બર 2021, દ્વારકામાંથી 65 કિલો ડ્રગ્સ ઝડપાયું

10 નવેમ્બર 2021, સુરતમાંથી 5.85 લાખનું ડ્રગ્સ ઝડપાયું

24 ઓક્ટોબર 2021, અમદાવાદમાંથી 25 લાખનું ડ્રગ્સ ઝડપાયું

12 ઓક્ટોબર 2021, બનાસકાંઠામાંથી 117 ગ્રામ ડ્રગ્સ ઝડપાયું

10 ઓક્ટોબર 2021, સાબરકાંઠાથી 384 ગ્રામ MD ડ્રગ્સ ઝડપાયું

27 સપ્ટેબર 2021, બનાસકાંઠાથી 26 લાખનું ડ્રગ્સ ઝડપાયું

24 સપ્ટેબર 2021, સુરતથી 10 લાખ રૂપિયાનું ડ્રગ્સ ઝડપાયું

23 સપ્ટેબર 2021, પોરબંદરના દરિયામાંથી 150 કરોડનું ડ્રગ્સ જપ્ત

16 સપ્ટેમ્બર 2021, મુંદ્રા પોર્ટ પરથી 3000 કિલો, 21 હજાર કરોડનું ડ્રગ્સ જપ્ત