Hajipur Kanwariyon ની ડીજે ટ્રોલી 11,000 હાઇ ટેન્શનનાં વાયર સાથે અથડાઈ, 9ના મોત

kawadiya

બિહારના હાજીપુરમાં એક મોટો અકસ્માત થયો છે. અહીં કાવડીયાઓને લઈ જઈ રહેલી ડીજે ટ્રોલીને વીજ કરંટ લાગ્યો હતો, જેમાં 9 કાવડીયાઓના મોત થયા હતા. વીજ શોક લાગવાથી અડધા ડઝન જેટલા લોકો દાઝી ગયા હતા. પ્રશાસને તમામને સદર હોસ્પિટલમાં દાખલ કર્યા છે. તમામ કાવડીયા હાજીપુરના ઈન્ડસ્ટ્રીયલ પોલીસ સ્ટેશન વિસ્તાર હેઠળ આવતા સુલતાનપુર ગામના રહેવાસી છે. સોમવારે સવારે બધા બાબા હરિહરનાથ મંદિરમાં જલાભિષેક કરવા જઈ રહ્યા હતા.

<

दु:खद खबर #Bihar : कांवड़ियों का DJ वाहन 11 हजार वोल्टेज लाइन की चपेट में आया। करंट लगने से 9 कांवड़ियों की मौत की ख़बर, ये सभी जलाभिषेक करने बाबा हरिहर नाथ मंदिर जा रहे थे। ये हादसा वैशाली के हाजीपुर इलाके में हुआ है।
#Bihar #Electrocution #kanwariya #Vaishali #Hajipur… pic.twitter.com/F1Nt1WVh0e

— निशान्त शर्मा (भारद्वाज) (@Nishantjournali) August 5, 2024 >

હાઈ ટેન્શન વાયર સાથે ટ્રોલી અથડાઈ

ઘટના વિશે પ્રાપ્ત માહિતી અનુસાર, તેઓ વૈશાલી જિલ્લાના હાજીપુર-ઈન્ડસ્ટ્રીયલ પોલીસ સ્ટેશન વિસ્તારના સુલતાનપુર ગામમાં રાત્રે 11:00 વાગ્યે ગામ છોડીને જઈ રહ્યા હતા. તે દરમિયાન 11,000 હાઇ ટેન્શન વાયરના સંપર્કમાં આવવાને કારણે આ કરૂણ અકસ્માત સર્જાયો હતો. આ દુર્ઘટનામાં નવ કાવડીયાઓના મોત થયા હતા, જ્યારે 6 થી વધુ ગંભીર રીતે દાઝી ગયા હતા. માહિતી મળતાં જ પોલીસ પહોંચી અને તમામ ઘાયલોને હાજીપુર સદર હોસ્પિટલમાં દાખલ કર્યા.

કેવી રીતે થયો અકસ્માત?

તમામ મૃતકોની ઓળખ થઈ ગઈ છે. તમામ હાજીપુરના ઈન્ડસ્ટ્રીયલ પોલીસ સ્ટેશન વિસ્તારના સુલતાનપુર ગામના રહેવાસી છે. કાવડીયાઓની ટીમ ડીજે ટ્રોલી લઈને સુલતાનપુર ગામથી સોનપુર સ્થિત પહેલજા ઘાટ સુધી પહોંચી હતી. કાવડીયાઓ સોમવારે સવારે પહેલજા ઘાટ પરથી જળ લઈને બાબા હરિહરનાથ મંદિરે જલાભિષેક કરવા જઈ રહ્યા હતા. ત્યાર બાદ ગામના મંદિરમાં પૂજા અને જલાભિષેક કરવાનો પ્લાન હતો. પરંતુ યાત્રા નિપર ગેટ પાસે બાબા ચૌહરમલ સ્થાને પહોંચી હતી ત્યારે ડીજે ટ્રોલી હાઇ ટેન્શન વાયર સાથે અથડાઇ હતી અને ઘણા લોકો અકસ્માતનો ભોગ બન્યા.