Tomato Price- વરસાદને કારણે સપ્લાય પર અસર થતાં દિલ્હીમાં ટામેટા 100 રૂપિયા પ્રતિ કિલોને પાર, લીલા શાકભાજીના ભાવમાં પણ વધારો
દેશના જુદા જુદા ભાગોમાં વરસાદને કારણે ખાદ્ય પુરવઠાને અસર થવાના કારણે રાષ્ટ્રીય રાજધાનીમાં ટામેટાના ભાવ 100 રૂપિયા પ્રતિ કિલોને પાર પહોંચી ગયા છે.
જ્યારે દિલ્હીને અડીને આવેલા નોઈડામાં
ટામેટાના ભાવ 100-120 રૂપિયા પ્રતિ કિલો સુધી પહોંચી ગયા છે. દિલ્હીમાં મધર ડેરીના રિટેલ આઉટલેટ 'સફલ' પર ટામેટાં 100 રૂપિયા પ્રતિ કિલોના ભાવે ઉપલબ્ધ છે.
કન્ઝ્યુમર અફેર્સ ડિપાર્ટમેન્ટના
ડેટા અનુસાર દિલ્હીમાં શનિવારે ટામેટાની છૂટક કિંમત 93 રૂપિયા પ્રતિ કિલો હતી. સરકારી આંકડા અનુસાર, 20 જુલાઈના રોજ ટામેટાની અખિલ ભારતીય સરેરાશ કિંમત 73.76 રૂપિયા પ્રતિ કિલો હતી.
