ચંદ્રયાન-3 મિશન માટે આજે મહત્વનો દિવસ

ચંદ્રયાન-3 મિશન માટે આજે મોટો દિવસ છે, ચંદ્ર પરની 14 દિવસની રાત પૂરી થવા જઈ રહી છે.

ચંદ્રયાન-3 મિશનનું લેન્ડર મોડ્યુલ 23 ઓગસ્ટે ચંદ્રના દક્ષિણ ધ્રુવ પર ઉતર્યું હતું. એક ચંદ્ર દિવસ પૂરો થયા પછી, તેનું લેન્ડર અને રોવર સ્લીપ મોડમાં ગયા.

16 દિવસ સુધી સ્લીપ મોડમાં રહ્યા પછી, શુક્રવારે (22 સપ્ટેમ્બર) ISRO દ્વારા લેન્ડર અને રોવરને સક્રિય કરવામાં આવશે.

ચંદ્રયાન-3 મિશન અંગે કેન્દ્રીય મંત્રી જિતેન્દ્ર સિંહે ગુરુવારે લોકસભામાં કહ્યું હતું કે દેશ હવે પ્રજ્ઞાન અને વિક્રમના થોડા કલાકોમાં ઊંઘમાંથી જાગવાની રાહ જોઈ રહ્યો છે, એકવાર આવું થઈ જશે તો ભારત આ સિદ્ધિ હાંસલ કરવા માટે વિશ્વનો પહેલો દેશ બની જશે.