જાણો શિવરાજ સિહ ચૌહાને કોને કહ્યુ નરપિશાચ અને કેમ મોહન યાદવ સરકાર વિરુદ્ધ ધરણા પર બેસ્યા પૂર્વ સીએમ

Shivraj Singh Chouhan

 મઘ્યપ્રદેશની રાજનીતિમાં એક અણધાર્યા ઘટનાક્રમમાં, ભૂતપૂર્વ મુખ્યમંત્રી અને વર્તમાન કેન્દ્રીય કૃષિ મંત્રી શિવરાજ સિંહ ચૌહાણ ('મામા') ખુલ્લેઆમ તેમના જ પક્ષની ડૉ. મોહન યાદવ સરકાર અને સ્થાનિક વહીવટીતંત્ર સામે આવ્યા છે. સીહોર જીલ્લાના ગ્રામ કોસમી (જે શિવરજ સિંહ ચૌહાણના સંસદીય ક્ષેત્ર વિદિશા અને તેના પૂર્વ વિધાનસભા ક્ષેત્ર બુઘનીના હેઠળ આવે છે)મા ગરીબ આદિવાસી પરિવારોના ઘર પર ચલાવેલ વહીવટીતંત્રના બુલડોઝર અને અતિક્રમણ વિરોધી કાર્યવાહી પછી આ વિવાદ ચરમ પર પહોચ્યો છે.  

1. શિવરાજ સિંહ ચૌહાણે કોણે કહ્યુ નરપિશાચ ? ગ્રામ કોસમીમાં બેઘર થયા બરેલા આદિવાસી સમુહના પરિવારો વચ્ચે પહોચ્યા શિવરાજ સિંહ ચોહાણનો ગુસ્સો ત્યા હાજર સરકારી અધિકારીઓ પર ફૂટ્યો. 

અધિકારીઓ પર તીખો હુમલો - કાટમાળ અને તૂટેલા છાપરા વચ્ચે રડતા કકડતા આદિવાસીઓને ગળે લગાવતા શિવરાજ સિંહ ચોહાણે કાર્યવાહી કરનારા અધિકારીઓને નરપિશાચ પણ કહી દીધુ. 

સીધો આરોપ - તેમણે કહ્યુ કે આ અધિકારી સંવેદનહીન થઈ ચુક્યા છે અને જાણીજોઈને ગરીબ, અસહાય આદિવાસીઓને પ્રતાડિત કરી રહ્યા છે. 

આદેશોને નજરઅંદાજ - પૂર્વ સીએમે ખુલાસો કર્યો કે તેમણે પહેલા જ સ્થાનીય કલેક્ટર અને વનવિભાગના અધિકારીઓને આદેશ આપ્યો હતો કે વર્ષોથી રહેતા આ ગરીબ પરિવારોને બેઘર ન કરવામાં આવે પણ અધિકારીઓએ તેમની વાતને ગણકારી નહી. 

2.  "આ મુખ્યમંત્રી મોહન યાદવને બદનામ કરવાનુ ષડયંત્ર"   

પીડિત પરિવારો સાથે ધરણા પર બેસતા કેન્દ્રીય મંત્રી શિવરાજ સિંહે ચૌહાણે કહ્યુ કે આ કાર્યવાહી ફક્ત આદિવાસીઓ પર હુમલો નથી પણ સરકારની સાખને નુકશાન પહોચાડવાની કોશિશ છે. આ ગરીબ આદિવાસી પરિવાર વર્ષોથી ભારતીય જનતા પાર્ટીના નિષ્ઠાવાન વોટર રહ્યા છે.  તેમના જનાદેશને કારણે આજે પ્રદેશમાં ભાજપાની સરકાર છે અને ડો. મોહન યાદવજી મુખ્યમંત્રી બન્યા છે. કેટલાક ઓફિસરોની મનમાનીથી મુખ્યમંત્રીજી અને સરકારની બદનામી કરાવવા માંગે છે. હુ આ અન્યાય પર ચૂપ નહી રહુ."   

શિવરાજ સિંહ ચૌહાણે મધ્યપ્રદેશના મુખ્ય સચિવ અશોક વર્ણવાલ અને ભાજપ રાજ્ય નેતૃત્વ સાથે ફોન પર વાત કરતા પોતાની તીવ્ર નારાજગી વ્યક્ત કરી. તેમણે જાહેરાત કરી કે તમામ વિસ્થાપિત પરિવારો માટે નવા મકાનો બનાવવામાં આવશે, અને ત્યાં સુધી તેમના ભોજન અને રહેવાની પૂરતી વ્યવસ્થા કરવામાં આવશે. ૩. "મામા" અને મોહન યાદવ સામસામે કેમ આવ્યા? આ સમગ્ર ઘટનાએ મધ્યપ્રદેશમાં "શિવરાજ અને મોહન યાદવ" વચ્ચેના રાજકીય ઝઘડાને ઉજાગર કર્યો છે.

(A) વહીવટી ઉપેક્ષાનું દુઃખ: રાજકીય વિશ્લેષકો માને છે કે કેન્દ્રમાં મંત્રી બન્યા પછી અને મધ્યપ્રદેશમાં સત્તા હસ્તાંતરણ થયા પછી, શિવરાજ સિંહ ચૌહાણ રાજ્યના વહીવટી કર્મચારીઓ દ્વારા ભૂતપૂર્વ મુખ્યમંત્રીના નિર્દેશોને અવગણવા અંગે અસ્વસ્થતા અનુભવી રહ્યા હતા. તાજેતરની ભાજપ કોર ગ્રુપની બેઠકમાં પણ, કેન્દ્રીય નેતાઓ સમક્ષ નોકરશાહીના પ્રોટોકોલ અને સુનાવણીના અભાવનો મુદ્દો ઉઠાવવામાં આવ્યો હતો.

B) તેમના પોતાના ગઢમાં બુલડોઝર કાર્યવાહી: બુધની/સિહોર પ્રદેશને શિવરાજ સિંહ ચૌહાણનો પરંપરાગત રાજકીય ગઢ માનવામાં આવે છે. તેમના પોતાના સંસદીય મતવિસ્તારના કોસ્મી ગામમાં 10 થી વધુ આદિવાસી પરિવારોના પાકનો નાશ કરવાની, તેમની ઝૂંપડીઓ તોડી પાડવાની અને કુવાઓ માટીથી ભરવાની વન વિભાગની કાર્યવાહીએ તેમના રાજકીય પ્રભાવ અને પ્રાદેશિક સમર્થન આધાર પર સીધી અસર કરી.

4. વિપક્ષનો હુમલો: "સત્તાના સંઘર્ષમાં ગરીબો પીડાઈ રહ્યા છે." આ ઘટના બાદ, કોંગ્રેસ પક્ષે ભાજપ અને રાજ્ય સરકાર પર આકરા પ્રહારો શરૂ કર્યા. ઉમંગ સિંઘરનું નિવેદન: મધ્યપ્રદેશ વિધાનસભામાં વિપક્ષના નેતા ઉમંગ સિંઘરે સોશિયલ મીડિયા પર એક વિડિયો શેર કર્યો, જેમાં આરોપ લગાવ્યો કે "ગરીબ આદિવાસીઓ ભાજપના આંતરિક ઝઘડા અને 'મોહન અને મામા' વચ્ચેના ઝઘડાનું પરિણામ ભોગવી રહ્યા છે. એક તરફ, આદિવાસીઓનું સન્માન કરવાના મોટા મોટા દાવા કરવામાં આવી રહ્યા છે, જ્યારે બીજી તરફ, તેમના મહેનતના પૈસા પર બુલડોઝર લગાવવામાં આવી રહ્યા છે."

કેન્દ્રીય મંત્રી અને ભૂતપૂર્વ મુખ્યમંત્રીના પોતાની સરકાર સામે ધરણાનો વિરોધ મધ્યપ્રદેશ ભાજપમાં ઊંડા આંતરિક ઝઘડા તરફ ઈશારો કરે છે. શિવરાજ સિંહ ચૌહાણે તેને અધિકારીઓની અવજ્ઞા અને મુખ્યમંત્રીને બદનામ કરવાનું કાવતરું ગણાવ્યું છે, પરંતુ આ ઘટનાએ મોહન યાદવ સરકાર માટે એક મોટો રાજકીય અને વહીવટી પડકાર ઉભો કર્યો છે.