મધ્યપ્રદેશના મંત્રી વિજય શાહે કર્નલ સોફિયા કુરેશી પરના પોતાના વિવાદાસ્પદ નિવેદન બદલ ત્રીજી વખત માફી માંગી છે.તેમણે સોશિયલ મીડિયા પર અપલોડ કરેલા એક વીડિયોમાં માફી માંગી.
આદિવાસી બાબતોના મંત્રી શાહે પોતાની માફીમાં કહ્યું, "જય હિંદ, થોડા દિવસો પહેલા પહેલગામમાં થયેલા જઘન્ય હત્યાકાંડથી હું ખૂબ જ દુઃખી અને વ્યથિત છું. મને હંમેશા રાષ્ટ્ર પ્રત્યે અપાર પ્રેમ અને ભારતીય સેના પ્રત્યે આદર રહ્યો છે.
મારા શબ્દોથી સમુદાય, ધર્મ અને દેશવાસીઓને દુઃખ થયું છે. તે મારી ભાષાકીય ભૂલ હતી. મારો હેતુ કોઈ ધર્મ, જાતિ કે સમુદાયને દુઃખ પહોંચાડવાનો કે અપમાન કરવાનો નહોતો. મેં અજાણતામાં કહેલા શબ્દો માટે હું સમગ્ર ભારતીય સેના, બહેન કર્નલ સોફિયા અને બધા દેશવાસીઓની દિલથી માફી માંગુ છું અને ફરી એકવાર હાથ જોડીને માફી માંગુ છું...
