દેશની સૌથી મોટી એરલાઇન, ઇન્ડિગોને વધુ એક ઝટકો લાગ્યો છે. તેને હવે આશરે 59 કરોડનો GST સંબંધિત દંડ ચૂકવવો પડશે. ઇન્ડિગોએ શુક્રવારે શેરબજારમાં આ માહિતી જાહેર કરી હતી. ઇન્ડિગોએ જણાવ્યું હતું કે વિભાગે GST સાથે દંડની માંગણી કરી છે. એરલાઇનને નાણાકીય વર્ષ 2020-21 માટે દંડ સાથે ડિમાન્ડ નોટિસ જારી કરવામાં આવી છે. દક્ષિણ દિલ્હીના CGSTના એડિશનલ કમિશનરે ઇન્ડિગો પર ₹58 કરોડ 74 લાખ 99 હજાર 439નો દંડ ફટકાર્યો છે.
ઇન્ડિગો આ આદેશને પડકારશે.
ઇન્ડિગો કહે છે કે તે GST વિભાગના આ આદેશને પડકારશે. ઇન્ડિગોએ સ્પષ્ટતા કરી હતી કે CGST અધિકારીઓનો નિર્ણય ખોટો છે. એરલાઇનનો દાવો છે કે આ મામલે તેની પાસે મજબૂત આધાર છે, જેને કર નિષ્ણાતો પણ સમર્થન આપે છે. ઇન્ડિગો કહે છે કે વિભાગની કાર્યવાહી તેના નાણાકીય, કામગીરી અથવા અન્ય કોઈપણ પ્રવૃત્તિઓને અસર કરશે નહીં.
ટોચના અધિકારીઓએ પૂછપરછ કરી
ઈન્ડિગો કટોકટીની તપાસ કરી રહેલી ઉચ્ચ સ્તરીય સમિતિએ શુક્રવારે સતત બીજા દિવસે કંપનીના સીઈઓ પીટર એલ્બર્સની પૂછપરછ કરી. સૂત્રોના જણાવ્યા અનુસાર, એરલાઇનના સીઓઓ ઇસિડ્રો પોર્કેરાસને પણ પૂછપરછ માટે બોલાવવામાં આવ્યા હતા. બંને ટોચના અધિકારીઓની અલગથી પૂછપરછ કરવામાં આવી હતી. સીઈઓ એલ્બર્સની લગભગ સાત કલાક અને પોર્કેરાસની લગભગ પાંચ કલાક પૂછપરછ કરવામાં આવી હતી.