UK નો વ્યવહાર ભેદભાવવાળો, અમે પણ લઈશુ જવાબી એક્શન, કોવિશીલ્ડ પર ભારતની ચેતાવણી

ભારત સરકારનું કહેવું છે કે બ્રિટને કોરોના વેક્સેન  કોવિડહિલ્ડને માન્યતા ન આપીને ભેદભાવવાળો વ્યવ્હાર કરી રહ્યુ છે. એવુ પણ કહ્યું કે જો આનુ કોઈ સમાઘાન નહી નીકળે તો જવાબી કાર્યવાહી કરવામાં આવશે. 

વિદેશ સચિવ હર્ષવર્ધન શ્રિંગલાએ આજે ​​જણાવ્યું હતું કે કોવિશિલ્ડને માન્યતા ન આપવાનો યુકે સરકારનો નિર્ણય "ભેદભાવપૂર્ણ" હતો. તેમણે એમ પણ કહ્યું કે તે ભારતના "પારસ્પરિક ઉપાય કરવાના અધિકાર" ની અંદર આવે છે.। તેમણે ઉમેર્યું, 'કોવિશિલ્ડને માન્યતા ન આપવી એક ભેદભાવપૂર્ણ નીતિ છે અને યુકેની મુસાફરી કરતા અમારા નાગરિકોને પ્રભાવિત કરે છે. વિદેશ સચિવે યુકેના નવા વિદેશ સચિવ સમક્ષ આ મુદ્દો ભારપૂર્વક ઉઠાવ્યો છે. મને કેટલાક આશ્વાસન આપવામાં આવ્યા છે કે આ મુદ્દાને જલ્દી ઉકેલવામાં આવશે.

બ્રિટને બદલ્યા યાત્રા નિયમ 

ઉલ્લેખનીય છે કે બ્રિટને પોતાના કોવિડ-19 ટ્રાફિક નિયમોમાં ફેરફાર કર્યા છે પરંતુ આ સાથે તેણે એક નવા વિવાદને પણ જન્મ આપ્યો છે. બ્રિટન પર આરોપ લાગી રહ્યો છે કે તે ભારત સાથે ભેદભાવ કરી રહ્યુ છે. ભારત તરફથી આવતા મુસાફરો માટે નક્કી કરાયેલા નિયમોની સમીક્ષા કરવા માટે યુકે સરકાર પર પણ દબાણ વધતુ જઈ રહ્યું છે. આવુ એટલા માટે કારણ કે બ્રિટને નવા નિયમો હેઠળ 'કોવિશિલ્ડ' રસી લેનારાઓને વેક્સીન લીધેલુ માનવામાં, જ્યારે ઓક્સફોર્ડ એસ્ટ્રાઝેનેકા વેક્સીન લેનારાઓને માન્યતા આપવામાં આવી છે.

ભારતની મોટાભાગની વસ્તીને કોવિશીલ્ડ 

ભારતમાં મોટાભાગના લોકોને કોવિડશીલ્ડ રસી મળી છે. આ બ્રિટનની એસ્ટ્રાઝેનેકા રસીનું ભારતીય સંસ્કરણ છે. તે સીરમ ઇન્સ્ટિટ્યૂટ ઓફ ઇન્ડિયા દ્વારા ભારતમાં બનાવવામાં આવ્યું છે, તેમ છતાં ભારતને યાદીમાંથી બહાર રાખવામાં આવ્યું છે. યુકેમાં નેશનલ ઇન્ડિયન સ્ટુડન્ટ્સ એન્ડ એલ્યુમની યુનિયન (AISAU) ના પ્રમુખ સનમ અરોરાએ જણાવ્યું હતું કે, "ભારતીય વિદ્યાર્થીઓ નારાજ છે કે તેમને લાગે છે કે આ એક ભેદભાવભર્યું પગલું છે કારણ કે અમેરિકા અને યુરોપીય સંઘના તેમના સમકક્ષોની તુલનામાં તેમની સાથે અલગ વર્તન કરવામાં આવે છે.