લોકસભાની 2019ની ચૂંટણી માટે કૉંગ્રેસ દ્વારા ગુજરાતની બેઠકો માટે અન્ય સાત ઉમેદવારોના નામની જાહેરાત કરવામાં આવી છે.
કૉંગ્રેસે કરેલી જાહેરાત મુજબ રાજકોટમાં ભાજપના મોહન કુંડારિયા સામે લલિત કથગરાને ટિકિટ આપવામાં આવી છે તો પોરબંદરમાં રમેશ ધડૂક સામે લલિત વસોયાને ટિકિટ આપવામાં આવી છે.
પાટણ બેઠક પર જગદીશ ઠાકોરને ટિકિટ આપવામાં આવી છે અને કૉંગ્રેસે જૂનાગઢમાં પૂંજા વંશને ટિકિટ આપી છે.
વલસાડમાં કેસી પાટિલ સામે જીતુ ચૌધરીને ટિકિટ આપવામાં આપી છે તો પંચમહાલમાં ભાજપના રતનસિંહ રાઠોડ સામે વી. કે. ખાંટને ટિકિટ આપવામાં આવી છે.
કૉંગ્રેસે બારડોલીમાં ભાજપના પ્રભુ વસાવા સામે તુષાર ચૌધરીને ટિકિટ આપી છે.
ઉલ્લેખનીય છે કે ગુજરાત કૉંગ્રેસ અગાઉ 6 ઉમેદવારોના નામ જાહેર કરી ચૂકી છે.
કૉંગ્રેસે ચાર વર્તમાન ધારાસભ્યોને ટિકિટ આપી છે.