ગૌરીવ્રત સ્પેશિયલ- ખારી ભાજીના થેપલા અને ભજીયા

ખારી ભાજીના થેપલા બનાવવાની રીત:

સામગ્રી:
1 બાઉલ સાફ કરેલી ખારી ભાજી, 1 બાઉલ ઘઉંનો કરકરો લોટ, 1 ચમચી ઝીણો ઘઉંનો લોટ, 2 ટી-સ્પૂન મરી પાવડર, 1 નાની વાડકી દહીં, અને મોણ તથા શેકવા માટે તેલ

રીત: એક વાસણમાં તમામ સામગ્રી મિક્સ કરી કઠણ લોટ બાંધો. હવે તેના લૂઆ બનાવી પાતળા થેપલા વણી લો. ત્યાર બાદ તેને તવા પર સીંગતેલ લગાવીને બંને બાજુથી ક્રિસ્પી અને ગોલ્ડન બ્રાઉન થાય ત્યાં સુધી શેકી લો.

ખારી ભાજીના ગોટા (ભજીયા):

 સામગ્રી:

1 કપ ખારી ભાજી, 2 ચમચી કરકરો લોટ, 1 કપ ઘઉંનો લોટ, મરી પાવડર, અને તળવા માટે તેલ

રીત: બધી સામગ્રીને થોડું પાણી ઉમેરીને ભજીયાના ખીરા જેવી ઘટ્ટ કન્સિસ્ટન્સીમાં મિક્સ કરો. ગરમ તેલમાં નાના ગોટા મૂકીને ગોલ્ડન બ્રાઉન રંગના થાય ત્યાં સુધી તળી લો