સાબુદાણા વડા ઉપવાસ દરમિયાન બનાવાતી સૌથી લોકપ્રિય વાનગીઓમાંની એક છે. બહારથી કરકરા અને અંદરથી નરમ આ વડા ચા, દહીં અથવા લીલી ફરાળી ચટણી સાથે ખૂબ જ સ્વાદિષ્ટ લાગે છે.

જરૂરી સામગ્રી

1 કપ સાબુદાણા (6-8 કલાક પલાળેલા)

3 મધ્યમ બાફેલા બટાકા

1/2 કપ શેકેલા શિંગદાણાનો ભૂકો
1 નાની વાટકી દહીં

2 લીલા મરચાં (ઝીણાં સમારેલા)

1 ટીસ્પૂન જીરું

2 ટેબલસ્પૂન ઝીણી સમારેલી કોથમીર

1 ટીસ્પૂન લીંબુનો રસ

સિંધવ મીઠું સ્વાદ મુજબ

તળવા માટે તેલ અથવા ઘી

ALSO READ: Vrat Special- કેસર-ડ્રાઈ ફ્રૂટ રબડી

બનાવવાની રીત

પલાળેલા સાબુદાણાને એકદમ છૂટા કરી લો.

બાફેલા બટાકાને મેશ કરીને તેમાં સાબુદાણા, શિંગદાણાનો ભૂકો, જીરું, લીલા મરચાં, કોથમીર, લીંબુનો રસ, દહી અને સિંધવ મીઠું ઉમેરો.

બધી સામગ્રીને સારી રીતે મિક્સ કરીને નરમ લોટ તૈયાર કરો.

ALSO READ: ઉપવાસમાં બનાવો હલકો અને પૌષ્ટિક ભોજન: સમા અને શક્કરિયા ડોસો

હવે હાથ પર થોડું તેલ લગાવી નાના ગોળા બનાવી હળવેથી ચપટા વડાનો આકાર આપો.

કડાઈમાં મધ્યમ તાપે તેલ ગરમ કરો.

વડાને બંને બાજુથી ગોલ્ડન બ્રાઉન અને કરકરા થાય ત્યાં સુધી તળો.

ગરમાગરમ વડા ફરાળી લીલી ચટણી અથવા દહીં સાથે પીરસો.

Share this Story:

About Writer મોનિકા સાહૂ

મોનિકા સાહૂ છેલ્લા 12 વર્ષથી ડિજિટલ મીડિયા અને પત્રકારત્વ ક્ષેત્રે સક્રિય છે. હાલમાં તેઓ વેબદુનિયા ગુજરાતીમાં સહાયક સંપાદક (Assistant Editor) તરીકે કાર્યરત છે. મોનિકા સાહૂને ડિજિટલ જર્નાલિઝમમાં 12 વર્ષથી વધુનો સમૃદ્ધ અનુભવ છે. તેમણે પોતાની કારકિર્દી દરમિયાન લોકસભા, વિધાનસભા અને સ્થાનિક સ્વરાજ્ય સંસ્થાઓની ચૂંટણીઓનું વિસ્તૃત અને અસરકારક કવરેજ કર્યું છે. સમાચાર લેખન.... વધુ વાંચો