America: ટ્રમ્પ સરકારે H-1B વીઝામાં આપી કેટલીક છૂટ, આ લોકોને થશે ફાયદો

ટ્રમ્પ પ્રશાસને   H-1B વીઝા (H1b Visa)ના કેટલાક નિયમોમાં છૂટ આપવાનો નિર્ણય કર્યો છે.  આ નિર્ણયથી આ વિઝા ધારકોને યુ.એસ.માં પ્રવેશવાની મંજૂરી મળશે. ખાસ કરીને એ લોકોને ફાયદો થશે જેમણે વિઝા પ્રતિબંધોને લીધે નોકરી છોડી હતી. જો તેઓ નોકરીમાં પાછા આવે છે, તો તેઓને આ છૂટનો લાભ મળી શકે છે. યુએસ સ્ટેટ ડિપાર્ટમેન્ટના સલાહકારે કહ્યું કે, પ્રાથમિક વિઝાધારકની પત્ની અને બાળકોને પણ તેમની સાથે મુસાફરી કરવાની છૂટ આપવામાં આવશે.

ટ્રમ્પ તંત્ર દ્વારા એચ-1બી વીઝા ધરાવતાં હોય અને અમેરિકામાં તાત્કાલિક જરૂર હોય તેવા વરિષ્ઠ મેનેજરો, ટેકનોલોજી એક્સપર્ટ અને અન્ય શ્રમિકોને પણ યાત્રા કરવાની મંજૂરી આપી છે.અમેરિકાની આર્થિક હાલત સુવિધાજનક બનાવવા માટે આ છૂટ આપવામાં આવી છે. આ ઉપરાંત કોવિડ-19 મહામારીના પ્રભાવને ઓછો કરવા સ્વાસ્થ્ય સેક્ટરમાં કાર કરતાં વિદેશી લોકોને પણ અમેરિકા આવવા મંજૂરી આપી છે. વહીવટીતંત્રે તકનીકી નિષ્ણાતો, વરિષ્ઠ સ્તરના સંચાલકો અને એચ -1 બી વિઝા ધરાવતા અન્ય કર્મચારીઓને પણ મુસાફરીની મંજૂરી આપી છે. એટલું જ નહીં, અમેરિકાની તાત્કાલિક અને સતત આર્થિક સુધારને સુવિદ્યાજનક બનાવવા માટે ખૂબ જ જરૂરી છે. 

22 જૂનના રોજ અમેરિકન રાષ્ટ્રપતિ ડોનાલ્ડ ટ્રમ્પે આ વર્ષ માટે H1-B વીઝા સસ્પેન્ડ કરવાની જાહેરાત કરી હતી. તેનાથી ભારત સહિત દુનિયાના આઇટી પ્રોફેશનલને મોટો ઝાટકો લાગ્યો હતો. જો કે હવે અમેરિકન પ્રશાસને વીઝા પ્રતિબંધને વૈકલ્પિક બનાવી દીધા છે. આથી એચ1-બી વીઝા ધારકોને કેટલીક શરતો પર અમેરિકામાં પ્રવેશ કરવાની મંજૂરી મળશે.

H1-B વીઝાની શરતોમાં રાહતથી ફાયદો 

ટ્રમ્પ પ્રશાસને એ વીઝા ધારકોને પણ યાત્રાની મંજૂરી આપી દીધી છે જે કોવિડ-19 મહામારીના પ્રભાવોને ઓછો કરવા માટે કામ કરી રહ્યા છે. ખાસ કરીને લોકોના સ્વાસ્થ્ય અને હેલ્થકેર પ્રોફેશનલ તરીકે કામ કરી રહ્યા છે. અમેરિકામાં કોરોના સંકટથી સ્થિતિ ખૂબ જ ગંભીર બની ચૂકી છે. એવામાં અમેરિકન સરકારે એચ-1 બી વીઝાને લઇ મોટો નિર્ણય લીધો છે.

 H-1B વીઝા શુ છે ?

એચ-1બી વીઝા એક બિન પ્રવાસી વીઝા છે. અમેરિકામાં કાર્યરત કંપનીઓને આ વીઝા એવા કુશળ કર્મચારીઓને રાખવા માટે અપાય છે જેમની ત્યાં અછત હોય છે. આ વીઝાની વેલેડિટી છ વર્ષની હોય છે. અમેરિકન કંપનીઓની ડિમાન્ડના લીધે ભારતીય આઇટી પ્રોફેશલને H1-B વીઝા સૌથી વધુ મળે છે.