કેનેડાના ટોરોન્ટોમાં એક ભયાનક પ્લેન અકસ્માત થયો છે. ટોરોન્ટો પીયર્સન ઈન્ટરનેશનલ એરપોર્ટ પર ઉતરતી વખતે ડેલ્ટા એરલાઈન્સની ફ્લાઈટ ક્રેશ થઈ હતી. લેન્ડિંગ વખતે પ્લેન અચાનક લપસી ગયું અને પલટી ગયું અને આગ લાગી. પ્લેન લપસી જતાં અને આગની લપેટમાં આવતાની સાથે જ પ્રચંડ જ્વાળાઓ જોઈને મુસાફરોએ બૂમો પાડી હતી. ફ્લાઈટ સ્કિડિંગ જોઈને એરપોર્ટ સિક્યોરિટી, ફાયર બ્રિગેડ અને એમ્બ્યુલન્સ ઘટનાસ્થળે પહોંચી ગઈ હતી.
મુસાફરોને બચાવીને ઈમરજન્સી ગેટ દ્વારા બહાર કાઢવામાં આવ્યા હતા. વિમાનમાં લાગેલી આગ ઓલવાઈ ગઈ હતી. આ અકસ્માતમાં લગભગ 18 મુસાફરો ઘાયલ થયા છે, જેમાંથી 2ની હાલત ગંભીર છે. જો કે પલટી જવાને કારણે પ્લેનના ટુકડા થઈ ગયા હતા, પરંતુ સદનસીબે પ્લેનમાં વિસ્ફોટ થયો ન હતો.
ડેલ્ટા એરલાઇન્સની એન્ડેવર 4819 ફ્લાઇટ, મિનેપોલિસથી ટોરોન્ટો તરફ આવી રહેલું CRJ-900 જેટ પ્લેન, એરપોર્ટ રનવે પર અકસ્માતનો ભોગ બન્યું હતું. વિમાનમાં 80 લોકો સવાર હતા. વિમાનમાં 76 મુસાફરો અને 4 ક્રૂ મેમ્બર હતા.
એર એમ્બ્યુલન્સ દ્વારા હોસ્પિટલ પહોંચાડવામાં આવ્યા હતા
TOIના અહેવાલ મુજબ, ડેલ્ટા એરલાઇન્સની ફ્લાઇટ 4819 IST સવારે 11:47 વાગ્યે ટોરોન્ટો માટે ઉડાન ભરી હતી, પરંતુ ટોરોન્ટોના પીલ વિસ્તારમાં પીયર્સન ઇન્ટરનેશનલ એરપોર્ટ પર ઉતરતી વખતે પ્લેન ક્રેશ થયું હતું. એરક્રાફ્ટની બંને પાંખો પરના ફ્લૅપ્સ ફેલ થઈ ગયા હતા, જેના કારણે એરક્રાફ્ટ સ્કિડ થઈને રનવે પર પલટી ગયું હતું. વિમાન પલટી જતાં જ તેમાં આગ લાગી ગઈ હતી.
પાયલોટે તાત્કાલિક એટીસીને અકસ્માતની જાણ કરી અને મદદ મોકલવા વિનંતી કરી. દુર્ઘટનાની માહિતી મળતા જ ઈમરજન્સી રેસ્ક્યુ ટીમ ઘટનાસ્થળે પહોંચી ગઈ હતી. લોકોને ઈમરજન્સી ગેટ દ્વારા બચાવી લેવામાં આવ્યા હતા અને પ્લેનમાં લાગેલી આગને બુઝાવી દેવામાં આવી હતી. ઘાયલોને એર એમ્બ્યુલન્સ દ્વારા હોસ્પિટલ લઈ જવામાં આવ્યા હતા. બે હેલિકોપ્ટર અને બે ક્રિટિકલ કેર ગ્રાઉન્ડ એમ્બ્યુલન્સે સંયુક્ત રીતે ઘાયલો માટે બચાવ કામગીરી હાથ ધરી હતી.
