અમેરિકામાં એક ચોંકાવનારી ઘટના, 6 વર્ષના બાળકે લેડી ટીચરને ગોળી મારી, હાલત ગંભીર

અમેરિકાના પૂર્વી રાજ્ય વર્જિનિયામાં શુક્રવારે છ વર્ષના એક બાળકે  પ્રાથમિક શાળાના ક્લાસમાં ગોળી ચલાવી દીધી, જેમાં એક શિક્ષક ગંભીર રીતે ઘાયલ થઈ ગયા,  રિચનેક એલિમેન્ટરી  શાળામાં બનેલી આ ઘટનામાં કોઈ વિદ્યાર્થીને ઈજા થઈ નથી.

 સ્થાનિક પોલીસ પ્રમુખ સ્ટીવ ડ્રૂએ એક ન્યૂઝ કોન્ફરન્સમાં જણાવ્યું હતું કે, "બાળક છ વર્ષનો વિદ્યાર્થી છે. તે હાલમાં પોલીસ કસ્ટડીમાં છે. આ આકસ્મિક ગોળીબાર નથી." પોલીસે જણાવ્યું કે પીડિત શિક્ષિકાની ઉંમર 30 વર્ષ છે અને તેણીની ઇજાઓ જીવલેણ છે.

લેડી ટીચર અને વિદ્યાર્થી વચ્ચે બોલાચાલી થઈ, વિદ્યાર્થીએ ગોળી મારી

પોલીસ સ્ટેશનના પ્રમુખએ જણાવ્યું કે શિક્ષક અને વિદ્યાર્થી વચ્ચે કોઈ મુદ્દા પર દલીલ થઈ હતી અને વિદ્યાર્થી પાસે બંદૂક હતી. સ્ટીવ ડ્રૂના જણાવ્યા અનુસાર, બાળકે દલીલની વચ્ચે શિક્ષક પર ફાયરિંગ કર્યું હતું. જોકે તેણે માત્ર એક રાઉન્ડ ફાયરિંગ કર્યું હતું. "કારણ કે તે 6 વર્ષનો વિદ્યાર્થી છે અને તે અત્યારે પોલીસ કસ્ટડીમાં છે."

ડ્રુએ કહ્યું, “આ ઘટનામાં અન્ય કોઈ વિદ્યાર્થી સામેલ નથી. તેમણે વધુમાં કહ્યું કે આ મામલાની તપાસ કરવામાં આવી રહી છે. અમે તપાસ કરાવીશું, એવા પ્રશ્નો છે જે અમે પૂછવા અને શોધવા માંગીએ છીએ. મારે જાણવું છે કે તે બંદૂક ક્યાંથી આવી, શું પરિસ્થિતિ હતી."

સોમવારે શાળા રહેશે બંધ 

સમાચાર અહેવાલો અનુસાર, ન્યૂપોર્ટ ન્યૂઝ પબ્લિક સ્કૂલના સુપરિન્ટેન્ડેન્ટ જ્યોર્જ પાર્કરે જણાવ્યું હતું કે રિચનેક એલિમેન્ટરી સ્કૂલ સોમવારે બંધ રહેશે. એક ન્યૂઝ કોન્ફરન્સમાં બોલતા, પાર્કરે કહ્યું, "હું આઘાતમાં છું, અને હું નિરાશ છું." પાર્કરે ભારપૂર્વક જણાવ્યું હતું કે તેમને  બાળકોને શિક્ષિત કરવા અને સુરક્ષિત રાખવાની જરૂર છે.