શરીરમાં બેડ કોલેસ્ટ્રોલ વધવાને કારણે હાર્ટ અટેક અને સ્ટ્રોકની શક્યતા ખૂબ વધી જાય છે. આ સ્થિતિ માટે ખોટે લાઈફસ્ટાઈલ અને ખોટી ખાવાની આદતો જવાબદાર છે. બેડ કોલેસ્ટ્રોલ ચરબીના રૂપમાં શરીરના અન્ય ભાગોને પણ અસર કરે છે. આવી સ્થિતિમાં, જ્યારે કોલેસ્ટ્રોલ વધે છે, ત્યારે તમારા આહારમાં સુધારો કરો અને કેટલાક મસાલાઓનું સેવન કરો જે ચરબીના પાચનને ઝડપી બનાવે છે અને પછી ધમનીઓમાં ચોંટેલા કોલેસ્ટ્રોલના કણોને સાફ કરે છે. ચાલો જાણીએ કે તે મસાલા કયા છે?
આ મસાલા બેડ કોલેસ્ટ્રોલ ઘટાડવામાં છે લાભકારી :
તજ: તજ કોલેસ્ટ્રોલ ઘટાડવામાં ફાયદાકારક છે. તેમાં એવા સંયોજનો છે જે ઇન્સ્યુલિન સંવેદનશીલતામાં સુધારો કરે છે અને બેડ કોલેસ્ટ્રોલ ઘટાડે છે, જે LDL સ્તર ઘટાડી શકે છે. તજને ઓટમીલ, દહીં અથવા ફળો સાથે ખાઈ શકાય છે.
લસણ: સદીઓથી પરંપરાગત દવામાં લસણનો ઉપયોગ કરવામાં આવે છે. તે ઝડપથી LDL કોલેસ્ટ્રોલ ઘટાડે છે. તે હૃદયના સ્વાસ્થ્ય માટે એક શક્તિશાળી ઈગ્રીડીએન્ટ તરીકે કાર્ય કરે છે.
હળદર: હળદરના એન્ટીઑકિસડન્ટ અને એન્ટી ઈન્ફ્લેમેટરી ગુણ હૃદયના સ્વાસ્થ્ય માટે ફાયદાકારક છે. તેમાં રહેલું કર્ક્યુમિન નામનું બાયોએક્ટિવ કંપાઉંડ કોલેસ્ટ્રોલને કંટ્રોલ કરે છે. તે શરીરને મેટાબોલિક સિન્ડ્રોમથી બચાવે છે.
મેથી: મેથીમાં દ્રાવ્ય ફાઇબરનું પ્રમાણ વધુ હોય છે, જે કોલેસ્ટ્રોલ ઘટાડવામાં મહત્વપૂર્ણ ભૂમિકા ભજવે છે. મેથીમાં રહેલા દ્રાવ્ય ફાઇબર પાચનતંત્રમાં કોલેસ્ટ્રોલને બાંધવામાં મદદ કરે છે, તેના શોષણને અટકાવે છે અને તેના ઉત્સર્જનને પ્રોત્સાહન આપે છે.
આ બાબતોનું પણ રાખો ધ્યાન :
સ્વસ્થ વજન જાળવી રાખો : વધારે વજન LDL કોલેસ્ટ્રોલનું સ્તર વધારે છે. નિયમિત કસરત સાથે સંતુલિત આહાર સ્વસ્થ વજન જાળવવામાં મદદ કરી શકે છે.
નિયમિત કસરત કરો: દર અઠવાડિયે ઓછામાં ઓછી 60 મિનિટ મધ્યમ એરોબિક પ્રવૃત્તિ કરવાનો લક્ષ્ય રાખો. શારીરિક પ્રવૃત્તિ LDL કોલેસ્ટ્રોલ ઘટાડવામાં અને હૃદયના સ્વાસ્થ્યને સુધારવામાં મદદ કરી શકે છે.
તમારા આહારનું ધ્યાન રાખો: તમારા આહારમાં ચરબીયુક્ત ખોરાક, જેમ કે લાલ માંસ અને ડેરી ઉત્પાદનોનું સેવન ઓછું કરો. તમારા આહારમાં ફાઇબરનું પ્રમાણ વધારો. ઓટ્સ, કઠોળ અને ફળો જેવા દ્રાવ્ય ફાઇબરથી ભરપૂર ખોરાક કોલેસ્ટ્રોલનું સ્તર ઘટાડવામાં મદદ કરી શકે છે.
