યુરિક એસિડનું પ્રમાણ વધે છે ત્યારે હાડકામાંથી આવે છે અવાજ, આ ગંભીર રોગોનું વધે છે જોખમ

હાઈ યુરિક એસિડમાં લોકો હાર્ટ, કિડની અને યકૃત સંબંધિત રોગો પ્રત્યે સંવેદનશીલ બની શકે છે. આવો, જાણીએ કે યુરિક એસિડ વધવાથી કઈ બીમારીઓ થઈ શકે છે અને ખુદને તેનાથી કેવી રીતે બચાવશો?

આપણા બધાના શરીરમાં યુરિક એસિડ જોવા મળે છે, જેને કિડની દ્વારા ફિલ્ટર કરીને દૂર કરવામાં આવે છે. પરંતુ, જ્યારે શરીરમાં તેની માત્રા વધવા લાગે છે, ત્યારે કિડની તેને ફિલ્ટર કરી શકતી નથી. આવી સ્થિતિમાં યુરિક એસિડ ક્રિસ્ટલના રૂપમાં સાંધામાં જમા થવા લાગે છે, જેના કારણે સાંધા અને ઘૂંટણમાં દુખાવો, એડીમાં દુખાવો અને સોજો આવવા લાગે છે. ઉલ્લેખનિય છે કે યુરિક એસિડ ત્યારે જ વધે છે જ્યારે આપણે આપણા આહારમાં પ્યુરિનનું વધુ સેવન કરીએ અને નિયમિત કસરત ન કરીએ. આપણી બગડેલી જીવનશૈલી આ રોગનું સૌથી મોટું કારણ છે. આવી સ્થિતિમાં, ઉચ્ચ યુરિક એસિડની સમસ્યાને કારણે, લોકો હાર્ટ, કિડની અને લીવર સાથે સંબંધિત રોગોનો શિકાર બની શકે છે. આવો, ચાલો જાણીએ કે યુરિક એસિડ વધવાથી કઈ બીમારીઓ થઈ શકે છે અને પોતાને કેવી રીતે બચાવશો?

યુરિક એસિડ વધવાને કારણે આ રોગો થઈ શકે છે:

સંધિવા- ઉચ્ચ યુરિક એસિડ ધરાવતા દર્દીઓમાં સંધિવા ખૂબ જ ઝડપથી આગળ વધે છે. ક્રિસ્ટલના રૂપમાં સાંધામાં યુરિક એસિડ જમા થવા લાગે છે, જેના કારણે સાંધામાં દુખાવો અને સોજો આવે છે.

પથરી- યુરિક એસિડ વધવાને કારણે કિડનીમાં પથરીની સમસ્યા પણ ઝડપથી વધે છે.  ખરેખર, યુરિક એસિડના સ્ફટિકો પથરીનું કારણ બને છે. પથરીમાં, આ સ્ફટિકો પેશાબની નળીઓમાં જમા થાય છે. 

ટાઇપ 2 ડાયાબિટીસ- યુરિક એસિડમાં વધારો ઇન્સ્યુલિનને પણ અસર કરે છે જેના કારણે ટાઇપ 2 ડાયાબિટીસનું જોખમ અનેકગણું વધી જાય છે.

બ્લડ પ્રેશર: જ્યારે યુરિક એસિડ વધે છે, ત્યારે બ્લડ પ્રેશર વધી જાય છે, જેના કારણે હૃદય સંબંધિત રોગો અને સ્ટ્રોકની શક્યતા ઝડપથી વધી જાય છે.  

યુરિક એસિડ ઘટાડવા માટે આ ટિપ્સ અનુસરો

શરીરમાં યુરિક એસિડ જમા થવાથી બચવા માટે શક્ય તેટલું વધુ પાણી પીવો. તમારા શરીરને હાઇડ્રેટેડ રાખો.

યુરિક એસિડને નિયંત્રિત કરવા માટે, તમારા આહારમાંથી પ્યુરિનયુક્ત ખોરાકને દૂર કરો.

વધતું વજન પણ આ સમસ્યાને ઉત્તેજિત કરે છે, તેથી તમારું વજન નિયંત્રણમાં રાખો.

શારીરિક કસરત યુરિક એસિડના સ્તરને ઘટાડવામાં મદદ કરી શકે છે તેથી દરરોજ કસરત કરો: 

તમારા આહારમાં એવા ખોરાકનો સમાવેશ કરો જે યુરિક એસિડને ઘટાડવામાં મદદ કરી શકે, જેમ કે: ચેરી, બેરી, સાઇટ્રસ ફળો, વિટામિન સી ધરાવતા ખોરાક.