Dharma Sangrah
✕

મગફળી કૌભાંડના મુખ્ય આરોપીની ઓડિયો ક્લિપ વાઈરલ: ભાજપમાં ખળભળાટ

Webdunia
મંગળવાર, 7 ઑગસ્ટ 2018 (13:15 IST)
જેતપુરના પેઢલા ખાતે થયેલા મગફળીમાં માટીની ભેળસેળ મામલે પોલીસે સૌરાષ્ટ્ર વેરહાઉસ કોર્પોેરેશનના મેનેજર મગન ઝાલાવડિયા સહિત 22ની ધરપકડ કરી છે. ત્યારે આ અંગે ફરિયાદ ન થાય તે માટે આ કૌભાંડના સૂત્રધાર મગન ઝાલાવડિયાએ કરેલા પ્રયાસોની ત્રણ ઓડિયો ક્લિપ સોશિયલ મીડિયામાં વાઈરલ થઇ છે. જેમાં તેણે ફરિયાદ થતી અટકાવવા માટે તંત્ર ઉપર દબાણ લાવવાના નિષ્ફળ પ્રયાસો કર્યા હોવાનું સ્પષ્ટ સાંભળી શકાય છે. બીજી બાજુ ભાજપના નેતાઓ અને ચૂંટાયેલા સભ્યોના નામે પણ આ બંને વચ્ચે ફરીયાદનું નિવારણ કરવા અંગેની વાતચીત થઇ હોવાના મામલે ભાજપમાં પણ ખળભળાટ મચી ગયો છે. કથિત વાતચીતમાં પોતાના નામનો પણ ઉલ્લેખ કરવામાં આવ્યો હોવાના મામલે આર. સી. ફળદુએ જણાવ્યું હતું કે, કૌભાંડો કરવા કે છાવરવાના અમારા સંસ્કાર નથી. પેઢલા મગફળી કાંડના દોષિતો સામે સખતમાં સખત પગલાં ભરવામાં આવી રહ્યા છે. મગન ઝાલાવાડિયાનો ઓડિયો ટેપ વાઈરલ થઇ છે. તેની પણ તપાસ કરાશે. સોમવારે મગન ઝાલાવાડિયાના તરઘડી ગામના નિવાસસ્થાને પોલીસે દરોડા પાડીને તપાસ શરૂ કરી હતી. દરોડા દરમિયાન કેટલાક દસ્તાવેજો મળી આવ્યા છે. જૂનાગઢ તાલુકા પંચાયતનો સભ્ય અને કૌભાંડના 10 દિવસ પહેલા જ ભાજપમાં જોડાયેલા માનસિંગ નામના શખસ સાથે મુખ? આરોપી મગન ઝાલાવાડિયા કરેલી વાતચીતમાં પોલીસ અને તંત્રના હાથ પોતાના સહિતના અન્ય આરોપીઓ સુધી પહોંચે તે પહેલાં પોતે બધું પતાવી દેવાની ગોઠવણ કરતો હોવાનું પણ આ ઓડિયો ક્લિપની વાત પરથી સ્પષ્ટ સમજી શકાય છે. રાજેશભાઇને કહી મોદીને ફોન કરાવી દો કે ગુનો દાખલ નથી કરવાનો ઓવા શબ્દો પણ તે આ ઓડિયો ટેપમાં ઉચ્ચારી રહ્યો છે. મુખ્ય આરોપી મગનભાઇ ઝાલાવાડિયા તોલુકા પંચાયતોના સભ્ય એવા માનસિંગભાઇને એવું કહેતા સંભળાય છે કે, હવે જો સમાધાનમાં જો કંઈ ગણિત હોય તો મેં નાફેડમાં વાત કરી લીધી છે. પણ મિનિસ્ટ્રી ગુનો દાખલ કરવાનું કહે છે. મિનિસ્ટ્રીમાં તમે કહેવડાવી દો કે પોલીસમાં તમે ટાઢું પાડી દો. કિરીટ પટેલને અને આપણા સાંસદ રાજેશભાઇને કહી ફોન કરાવી કહો કે પ્રેશર કરોમાં, અમે પૂરું કરી નાખશું. ઉપરથી ટાઢું પાડો એટલે બે દિવસમાં રસ્તો નીકળી જશે. સરકારમાંથી પ્રેશર બહુ છે. એફઆઇઆર કોણ કરે હું તો અહીં બેઠો છું, ચિંતા નથી કંઇ, તમારે સમાધાનનો મૂડ હોય તો મારી પાસે બપોર સુધીનો જ સમય છે. વધુ સમય મારી પાસે પણ નથી. મને ગુજકોટમાંથી ફરિયાદ દાખલ કરવાનો ફોન હતો. મેં કહી દીધું મને ઝાડા-ઊલટી છે. ત્રીજી ઓડિયો ક્લિપમાં મગનભાઈ કહે છે કે, ફરિયાદ દાખલ કરવા જેતપુર જાવ છું. કલેક્ટર રાહુલ ગુપ્તાનો ફોન મુક્યો હજી. ગમે તેમ કરીને કલેક્ટરને રોકો અને રોકાય એમ હોય તો મને જાણ કરો.

સંબંધિત સમાચાર

વધુ જુઓ..

જરૂર વાંચો

ગુજરાતી લગ્નની પરંપરાગત વિધિઓ: જાણો લગ્ન પહેલાંથી લઈને વિદાય સુધીની તમામ રસમોનું મહત્વ

છોકરી ખરેખર તમને પ્રેમ કરે છે કે નહીં? આ 7 સંકેતોથી કરો ઓળખ

ભ અક્ષર પરથી છોકરાઓનાં 20 નામ અને અર્થ

Bread Recipes- બ્રેડમાંથી બનાવો 5 ઝટપટ અને સ્વાદિષ્ટ નાસ્તાની વાનગીઓ, બાળકો અને મોટાઓને પણ આવશે પસંદ

વારેઘડીએ પેટ ફૂલવા પાછળ તમારી ડાયેટ હોઈ શકે છે જવાબદાર, ડોક્ટરે ગણાવ્યા બ્લોટિંગ વધારનારા ફુડ્સ

વધુ જુઓ..

મનોરંજન

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

200 વર્ષ જૂની કલગી, 30 કેરેટ પન્નાનો હાર, દિવાળી પર કરીના કપૂરનો શાહી અંદાજ

આગળનો લેખ
Show comments