પશ્ચિમ રેલવે દ્વારા અમદાવાદ ડિવિઝનની 5 જોડી ટ્રેનોમાં જોડવામાં આવશે વધારાના કોચ

પશ્ચિમ રેલવે દ્વારા મુસાફરોની માંગ અને સુવિધા માટે અમદાવાદ ડિવિઝન પરથી ઉપડતી 5 જોડી ટ્રેનોમાં અસ્થાયી રૂપે વધારાના કોચ જોડાશે. આ ટ્રેનોની વિગતો નીચે મુજબ છે:-

1. ટ્રેન નંબર 19165/19166 અમદાવાદ-દરભંગા-અમદાવાદ સાબરમતી એક્સપ્રેસ ટ્રેનને અમદાવાદથી તા.1 એપ્રિલ 2022થી 29 મે 2022 સુધી અને દરભંગાથી 4 એપ્રિલ 2022થી 1 જૂન 2022 સુધી એક સેકન્ડ એસી કોચ વધારાનો જોડાશે.

2. ટ્રેન નંબર 19167/19168 અમદાવાદ-વારાણસી-અમદાવાદ સાબરમતી એક્સપ્રેસ ટ્રેનમાં અમદાવાદથી 2 એપ્રિલ 2022થી 31મી મે 2022 સુધી તથા વારાણસીથી 5 એપ્રિલ 2022થી 3 જૂન 2022 સુધી એક સેકન્ડ એસી કોચ વધારાનો જોડાશે.

3. ટ્રેન નંબર 22956/22955 ભુજ - બાંદ્રા ટર્મિનસ - ભુજ કચ્છ એક્સપ્રેસ ટ્રેનમાં ભુજથી 1લી એપ્રિલ 2022થી 31મે 2022 સુધી તથા બાંદ્રા ટર્મિનસથી 2 એપ્રિલ 2022થી 1 જૂન 2022 સુધી એક થર્ડ એસી કોચ વધારાનો જોડાશે.

4. ટ્રેન નંબર 20947/20948 અમદાવાદ-એકતા નગર-અમદાવાદ જન શતાબ્દી એક્સપ્રેસ ટ્રેનમાં અમદાવાદથી 1 એપ્રિલ 2022 થી 31 મે 2022 સુધી અને એકતા નગરથી 1લી એપ્રિલ 2022 થી 31 મે 2022 સુધી બે એસી ચેયર કાર કોચ વધારાના જોડાશે.

5. ટ્રેન નંબર 22903/22904 બાંદ્રા ટર્મિનસ - ભુજ - બાંદ્રા ટર્મિનસ એક્સપ્રેસ ટ્રેનમાં બાંદ્રા ટર્મિનસથી 3 એપ્રિલ 2022 થી 29 મે 2022 સુધી તથા ભુજથી 4 એપ્રિલ 2022થી 30 મે 2022 સુધી એક થર્ડ એસી કોચ વધારાનો જોડાશે.