વેસ્ટઈંડીઝ વિરુદ્ધ જીતથી ભારતીય ટીમને થયો ફાયદો, WTC Points Table માં હવે આટલા થઈ ગયો PCT

ભારતીય ક્રિકેટ ટીમે ધમાકેદાર અંદાજમાં વેસ્ટઈંડિઝની ટીમને પહેલી ટેસ્ટ મેચમાં એક દાવ અને 140 રનોથી હરાવ્યુ. ભારતીય ટીમ તરફથી રવિન્દ્ર જડેજા, કેએલ રાહુલ, ધ્રુવ જુરેલ અને મોહમ્મદ શમીએ દમદાર પ્રદર્શન કર્યુ. આ પ્લેયર્સએ ભારતને જીત અપાવવામાં મહત્વનો રોલ ભજવ્યો. જીત સાથે ટીમ ઈન્દિયાએ શ્રેણીમાં 1-0ની બઢત બનાવી લીધી. હવે જીત પછી ભારતીય ટીમ ને  WTC પોઈન્ટ ટેબલમાં ફાયદો થયો છે.  

ભારતીય ટીમનો PCT વધ્યો

વેસ્ટ ઇન્ડીઝ સામેની મેચ પહેલા ભારતીય ટીમ વર્લ્ડ ટેસ્ટ ચેમ્પિયનશિપ 2025-27 પોઈન્ટ ટેબલમાં ત્રીજા સ્થાને હતી અને તે ત્રીજા સ્થાને રહી છે. જોકે, વિજય પછી, ભારતીય ટીમનો PCT વધ્યો છે. ભારતનો PCT હવે 46.67 થી વધીને 55.56 થયો છે. WTC પોઈન્ટ ટેબલ 2025-27 માં, ભારતીય ટીમે અત્યાર સુધી કુલ છ મેચ રમી છે, જેમાં ત્રણ જીતી છે અને બે હારનો સામનો કરવો પડ્યો છે, જેમાં એક મેચ ડ્રો રહી છે.

ઓસ્ટ્રેલિયા પોઈન્ટ ટેબલમાં ટોચ પર છે

ઓસ્ટ્રેલિયન ટીમ વર્લ્ડ ટેસ્ટ ચેમ્પિયનશિપ 2025-27 પોઈન્ટ ટેબલમાં પ્રથમ ક્રમે છે. ટીમે અત્યાર સુધી ત્રણ મેચ રમી છે, જેમાં ત્રણેય જીતી છે. તેનો PCT 100.00 છે. શ્રીલંકાની ટીમ બીજા સ્થાને છે. ટીમે અત્યાર સુધીમાં બે મેચ રમી છે, જેમાં એક જીતી છે અને એક ડ્રો રહી છે. તેનો PCT 66.67 છે.

વેસ્ટ ઈન્ડિઝના બેટ્સમેન નિષ્ફળ ગયા

ભારત સામે પ્રથમ બેટિંગ કરતી વેસ્ટ ઈન્ડિઝની ટીમે ફક્ત 162  રન બનાવ્યા. ત્યારબાદ ભારતીય ટીમ માટે રવિન્દ્ર જાડેજા, ધ્રુવ જુરેલ અને કેએલ રાહુલે સદી ફટકારી. આ ખેલાડીઓના કારણે ટીમ ઈન્ડિયાએ પ્રથમ ઇનિંગમાં 448રન બનાવ્યા અને 286  રનની નોંધપાત્ર લીડ મેળવી. ત્યારબાદ, બીજી ઇનિંગમાં, વેસ્ટ ઈન્ડિઝના બેટ્સમેન રવિન્દ્ર જાડેજા સામે પોતાનો દબદબો જાળવી રાખવામાં નિષ્ફળ ગયા અને ખરાબ રીતે નિષ્ફળ ગયા. વેસ્ટ ઈન્ડિઝની ટીમ બીજી ઇનિંગમાં ફક્ત 146  રન બનાવી શકી.