ભારત સામે આ પ્લેઇંગ 11 સાથે ઉતરશે પાકિસ્તાનની ટીમ, આ ખેલાડીઓને મળી તક

IND vs PAK: એશિયા કપમાં 02 સપ્ટેમ્બરે ભારત અને પાકિસ્તાન વચ્ચે શાનદાર મેચ રમાશે. ચાહકો ઘણા સમયથી આ મેચની રાહ જોઈ રહ્યા હતા. આ દરમિયાન પાકિસ્તાનની ટીમે ભારત સામેની મેચ માટે પોતાની પ્લેઈંગ 11ની જાહેરાત કરી દીધી છે. તમને જણાવી દઈએ કે આ મેચ માટે બંને ટીમો પ્રેક્ટિસ સેશનમાં સખત મહેનત કરી રહી છે. 2019 ODI વર્લ્ડ કપમાં ભારતે તેની છેલ્લી ODI પાકિસ્તાન સામે રમી હતી. એટલે કે ભારત અને પાકિસ્તાન 4 વર્ષ બાદ વનડેમાં આમને-સામને છે. ત્યારપછી બંને ટીમોમાં ઘણા મોટા ફેરફારો થયા છે.

પાકિસ્તાનની પ્લેઈંગ 11માં કોઈ ફેરફાર નથી

એશિયા કપમાં પાકિસ્તાનની ટીમ પોતાની પ્રથમ મેચ નેપાળ સામે રમી હતી. તેણે તે મેચ 238 રનથી જીતી હતી. પાકિસ્તાનની ટીમ હવે ભારત માટે આ જ લય જાળવી રાખવા માંગશે. આ જ કારણ છે કે તેણે પોતાના પ્લેઈંગ 11માં કોઈ ફેરફાર કર્યો નથી. નેપાળ સામેની મેચમાં  બાબર આઝમ સિવાય પાકિસ્તાનનો ટોપ ઓર્ડર કંઈ ખાસ કરી શક્યો નહોતો. ટોપ ઓર્ડરની નિષ્ફળતા બાદ એવું માનવામાં આવતું હતું કે બાબર આઝમ ફખર ઝમાનને ડ્રોપ કરી શકે છે, પરંતુ તેણે તેમ કર્યું નહીં.

વરસાદ બની શકે છે વિલન 

ભારત અને પાકિસ્તાન વચ્ચેની મેચ શ્રીલંકાના કેન્ડીમાં રમાશે. આ મેચમાં વરસાદ ટીમ ઈન્ડિયા અને પાકિસ્તાન બંનેની રમત બગાડી શકે છે. ગૂગલ વેધર અનુસાર, રમત દરમિયાન દિવસભર વાદળછાયું આકાશ સાથે ભારે વરસાદની 56% થી 78% શક્યતા છે. મેચના પ્રારંભિક તબક્કામાં (3:00 PM IST) તાપમાન 92% ભેજ સાથે 25 ડિગ્રી સેલ્સિયસની આસપાસ રહેવાની શક્યતા છે. આવી સ્થિતિમાં મેચ દરમિયાન વરસાદ વિલન સાબિત થઈ શકે છે.

ભારત સામેની મેચમાં પાકિસ્તાનનો પ્લેઇંગ 11  

ફખર જમાન, ઇમામ-ઉલ-હક, બાબર આઝમ (કેપ્ટન), સલમાન અલી આગા, ઇફ્તિખાર અહેમદ, મોહમ્મદ રિઝવાન (વિકેટકીપર), શાદાબ ખાન (વાઈસ-કેપ્ટન), મોહમ્મદ નવાઝ, નસીમ શાહ, શાહીન આફ્રિદી, હરિસ રઉફ.