ભારત સામેની મેચ પહેલા પાકિસ્તાની ટીમે કેમ ન કરી પ્રેસ કોન્ફરન્સ ? PCB ચીફે આ જવાબ આપ્યો.

જ્યારે પણ ભારત અને પાકિસ્તાન વચ્ચે ક્રિકેટ મેચ હોય છે, ત્યારે ચાહકો અતિ ઉત્સાહિત હોય છે. હવે, T20 એશિયા કપ 2025 ના સુપર ફોરમાં બંને ટીમો વચ્ચે એક મોટી ટક્કર થશે. ભારતીય કેપ્ટન સૂર્યકુમાર યાદવ મેચના એક દિવસ પહેલા યોજાનારી પ્રેસ કોન્ફરન્સમાં હાજર રહ્યા હતા, પરંતુ પાકિસ્તાની ટીમે પ્રેસ કોન્ફરન્સ છોડી દીધી હતી. પાકિસ્તાન ક્રિકેટ બોર્ડના ચેરમેન મોહસીન નકવીએ હવે પ્રતિક્રિયા આપી છે.

મોહસીન નકવીએ કહી આ વાત - જ્યારે તેમને પૂછવામાં આવ્યું કે પાકિસ્તાન ક્રિકેટ બોર્ડ (PCB) ના ચેરમેન પ્રેસ કોન્ફરન્સ કેમ નથી કરી રહ્યા, ત્યારે તેમણે કહ્યું કે તેઓ ટૂંક સમયમાં આ અંગે વાત કરશે. તેઓ પત્રકારોના પ્રશ્નો ટાળવા માંગતા દેખાયા અને ઝડપથી ત્યાંથી ચાલ્યા ગયા, પરંતુ કોઈ જવાબ આપ્યો નહીં.

હાથ મિલાવવાને લઈને થયો હતો વિવાદ 

ચાલુ ટુર્નામેન્ટના ગ્રુપ સ્ટેજમાં છેલ્લી વખત જ્યારે ભારત અને પાકિસ્તાનની ક્રિકેટ ટીમો મળી હતી, ત્યારે ભારતીય ખેલાડીઓએ પાકિસ્તાની ખેલાડીઓ સાથે હાથ મિલાવ્યો ન હતો અને સીધા ડ્રેસિંગ રૂમમાં ગયા હતા. ટોસ દરમિયાન, કેપ્ટન સૂર્યકુમાર યાદવે વિરોધી કેપ્ટન સલમાન અલી આગાને પણ અવગણ્યા હતા. આ ઘટના બાદ, પાકિસ્તાની કેપ્ટન પ્રેઝન્ટેશનમાં હાજર રહ્યો ન હતો. બાદમાં, યુએઈ સામે મેચ રમતા પહેલા પાકિસ્તાની ટીમે ઘણો નાટક રચ્યું હતું.

T20 ક્રિકેટમાં ભારતીય ટીમનો હાથ ઉપર  

ભારત અને પાકિસ્તાન વચ્ચે કુલ 14 ટી20 આંતરરાષ્ટ્રીય મેચ રમાઈ છે, જેમાંથી ભારતીય ટીમે 11 જીતી છે, જ્યારે પાકિસ્તાની ટીમે ફક્ત ત્રણ જીતી છે. આમ, ટી20 આંતરરાષ્ટ્રીય ક્રિકેટમાં ભારતીય ટીમનો હાથ ઉપર છે.