Zakir Hussain: 11 વર્ષની ઉંમરે પ્રથમ કોન્સર્ટ, 2 ગ્રેમી એવોર્ડ… પિતા પાસેથી તબલાંનો ‘જાદુ’ શીખ્યો હતો.

Zakir Hussain: ઝાકિર હુસૈનનો જન્મ 9 માર્ચ 1951ના રોજ મુંબઈમાં થયો હતો અને આજે 16 ડિસેમ્બર 2024ના રોજ તેમણે 73 વર્ષની વયે દુનિયા છોડી દીધી હતી. તેમને 1988માં પદ્મશ્રી અને 2023માં પદ્મ વિભૂષણથી નવાજવામાં આવ્યા હતા.

ઝાકીરના પિતાનું નામ અલ્લાહ રખા ખાન હતું, જે એક પ્રખ્યાત તબલા વાદક હતા. ઝાકિરે બાળપણમાં જ પિતા પાસેથી તબલાંનો જાદુ શીખ્યો હતો. તેમનો જન્મ 9 માર્ચ 1951ના રોજ મુંબઈમાં થયો હતો. ઝાકિરે 11 વર્ષની ઉંમરે અમેરિકામાં પોતાનો પહેલો કોન્સર્ટ કર્યો હતો. તમને જણાવી દઈએ કે તેમને 1988માં પદ્મશ્રી, 2002માં પદ્મ ભૂષણ અને 2023માં પદ્મ વિભૂષણથી સન્માનિત કરવામાં આવ્યા હતા.

જેના કારણે તેને દુનિયામાં એક અલગ ઓળખ મળી

ઝાકિર હુસૈને તેનું પહેલું આલ્બમ ‘લિવિંગ ઇન ધ મટીરિયલ વર્લ્ડ’ 1973માં લોન્ચ કર્યું હતું. આ સિવાય ઝાકિર એવા પહેલા ભારતીય સંગીતકાર હતા જેમને અમેરિકાના ભૂતપૂર્વ રાષ્ટ્રપતિ બરાક ઓબામા દ્વારા વ્હાઇટ હાઉસ ખાતે 'ઓલ-સ્ટાર ગ્લોબલ કોન્સર્ટ' માટે આમંત્રણ આપવામાં આવ્યું હતું. 1992માં તેમના ધ પ્લેનેટ ડ્રમ અને 2009માં ગ્લોબલ ડ્રમ એ બે મોટા કાર્યક્રમો હતા જેના માટે તેમણે વિશ્વભરમાં ખ્યાતિ મેળવી હતી.