બોલીવુડ અભિનેત્રી કરિશ્મા કપૂર
ના એક્સ પતિ અને જાણીતા બિઝનેસમેન સંજય કપૂરનુ 12 જૂનના રોજ લંડનમાં નિધન થઈ ગયુ. સંજય કપૂરે ૫૩ વર્ષની ઉંમરે દુનિયાને અલવિદા કહ્યું. સંજય ઓટોમોટિવ કંપની સોના કોમસ્ટારના ચેરમેન હતા. ઉદ્યોગ અને ફિલ્મ ઉદ્યોગ તેમના અચાનક નિધન પર શોક વ્યક્ત કરી રહ્યો છે. આ દુઃખદ સમાચારની પુષ્ટિ લેખક સુહેલ સેઠે સોશિયલ મીડિયા પર કરી હતી અને તેમને શ્રદ્ધાંજલિ આપી હતી. એક તરફ તેમના મૃત્યુના સમાચાર આવ્યા અને બીજી તરફ તેમની સોશિયલ મીડિયા પોસ્ટ્સની તપાસ શરૂ થઈ ગઈ. આ દરમિયાન, એક પોસ્ટ વાયરલ થઈ છે. આ પોસ્ટમાં તેમણે કંઈક એવું કહ્યું હતું જેનાથી લોકો કહેવા લાગ્યા કે તેઓ પહેલાથી જ તેમના મૃત્યુની અપેક્ષા રાખતા હતા. તમને જણાવી દઈએ કે, વાયરલ થઈ રહેલી આ પોસ્ટ તેમના મૃત્યુના બરાબર ૩ દિવસ પહેલાની છે. ચાલો તમને જણાવીએ કે આ પોસ્ટમાં શું કહેવામાં આવ્યું છે.
સંજયે પોસ્ટમાં શું લખ્યું?
9 જૂન 2025 ના રોજ સવારે 11.40 વાગ્યે, સંજય કપૂરે એક પોસ્ટ શેર કરી જેમાં એક તસવીર પર એક ક્વોટ લખેલું હતું. આ તસવીરમાં કહેવામાં આવેલી વાત હવે લોકોનું ધ્યાન ખેંચી રહી છે અને તેને જોયા પછી, લોકો કહી રહ્યા હતા કે શું તેમને પહેલાથી જ મોતનો અંદાજ આવી ગયો હતો. આ તસવીરમાં લખ્યું છે, 'પૃથ્વી પર તમારો સમય મર્યાદિત છે. 'શું થશે જો' એ ફિલોસોફરો પર છોડી દો અને તેના બદલે 'કેમ નહીં' માં ડૂબી જાઓ. આ સાથે, તેમણે એક કેપ્શન પણ લખ્યું, 'પ્રગતિ માટે આદર્શ પરિસ્થિતિઓની નહીં પણ બોલ્ડ વિકલ્પોની જરૂર છે. મંડે મોટિવેશન.... હવે આ પોસ્ટ વાયરલ થઈ રહી છે અને તેના પર લોકોની પ્રતિક્રિયાઓ પણ આવી રહી છે.
લોકોની શું છે પ્રતિક્રિયા ?
આ પોસ્ટ વાયરલ થયા પછી, લોકોમાં ચર્ચા થઈ રહી છે કે શું સંજય કપૂરને તેમના મોતનો પૂર્વાભાસ થયો હતો. એક વ્યક્તિએ લખ્યું, 'તેમનું આજે અવસાન થયું અને તેમનું નિવેદન કેટલું સુસંગત છે.' બીજા વ્યક્તિએ લખ્યું, 'શું તેમને પહેલાથી જ ખબર હતી કે તેમની પાસે ઓછો સમય છે.' બીજા વ્યક્તિએ લખ્યું, 'શક્ય છે કે તેમનું શરીર તેમને પહેલાથી જ સંકેતો આપી રહ્યું હતું અથવા તેમને કોઈ સ્વાસ્થ્ય સમસ્યા હતી.' તેમની પોસ્ટ સાથે જોડાયેલી આવી ઘણી ટિપ્પણીઓ જોવા મળી રહી છે. હાલમાં, ફક્ત સંજય જ કહી શક્યા હોત કે જ્યારે તેમણે આ પોસ્ટ શેર કરી ત્યારે તેઓ શું વિચારી રહ્યા હતા, પરંતુ હવે તેઓ આ દુનિયામાં નથી અને લોકો પાસે અનુમાન લગાવવા સિવાય કોઈ વિકલ્પ નથી.
શુ છે મોતનુ કારણ ?
ANI ના અહેવાલ મુજબ, સંજય કપૂરનું મૃત્યુ એક ચોંકાવનારી ઘટનાને કારણે થયું. તેઓ ઇંગ્લેન્ડમાં પોલો રમતી વખતે ઘોડા પર સવારી કરી રહ્યા હતા, ત્યારે રમત દરમિયાન ભૂલથી તેમના ગળામાં એક માખી જતી રહી. માખી તેમના ગળામાં ફસાઈ જવાને કારણે, તેમને તીવ્ર બળતરા અને શ્વાસ લેવામાં તકલીફ થવા લાગી. અચાનક ગભરાટ અને બેચેનીના કારણે તેમને હાર્ટ એટેક આવ્યો. જેના કારણે તેમનું ઘટનાસ્થળે જ મોત થયું. સૌથી આશ્ચર્યજનક વાત એ હતી કે તેમના ઓંચિતા મોતના થોડા કલાકો પહેલા જ સંજય કપૂર સોશિયલ મીડિયા પર સક્રિય હતા. તેમણે અમદાવાદમાં એર ઇન્ડિયાના વિમાન દુર્ઘટના પર શોક વ્યક્ત કર્યો હતો. પોતાની પોસ્ટમાં તેમણે લખ્યું હતું કે, 'અમદાવાદમાં એર ઇન્ડિયાના વિમાન દુર્ઘટનાના દુઃખદ સમાચાર. મારી સંવેદના અને પ્રાર્થના બધા અસરગ્રસ્ત પરિવારો સાથે છે. આ મુશ્કેલ સમયમાં તેમને ઈશ્વર શક્તિ આપે.'
