શિલ્પા શેટ્ટીને બોમ્બે હાઈકોર્ટે આપ્યો મોટો ઝટકો, 60 કરોડ જમા કર્યા વગર વિદેશ નથી જઈ શકતી

શિલ્પા શેટ્ટીની મુશ્કેલીઓ ઓછુ થતી જોવા નથી મળી રહી. બોમ્બે હાઈકોર્ટે આજે શિલ્પા શેટ્ટી અને રાજ કુંદ્રાના 60 કરોડ રૂપિયાના કથિત ફ્રોડ મામલામાં સુનાવણી કરી છે.   બોમ્બે હાઈકોર્ટે અભિનેત્રી શિલ્પા શેટ્ટી અને તેમના પતિ રાજ કુંદ્રાને કહ્યુ કે જો તેઓ લૉસ એંજિલ્સ અને અન્ય વિદેશી દેશોની યાત્રા કરવા માંગે છે તો પહેલા તેમને 60 કરોડ રૂપિયા જમા કરવી પડશે. ઉલ્લેખનીય છે કે આ આદેશ એ અરજી પછી આવ્યો છે. જેમા દંપતિએ તેમના વિરુદ્ધ 60 કરોડ રૂપિયાની કથિત દગાબાજી સાથે જોડાયેલ એફઆઈઆર મામલે રજુ લુકઆઉટ સર્કુલર ને  રદ્દ કરવાની માંગ કરી હતી.   

આગામી સુનાવણી ક્યારે થશે?

આ કેસમાં આગામી સુનાવણી 14 ઓક્ટોબર, 2025  ના રોજ થશે. કોર્ટની આ શરત એવા સમયે આવી છે જ્યારે મુંબઈ પોલીસની આર્થિક ગુના શાખા (EOW) ૬૦ કરોડ રૂપિયાના કથિત છેતરપિંડીના કેસની તપાસ કરી રહી છે. સૂત્રો કહે છે કે આ દંપતીએ કોર્ટ પાસેથી વ્યવસાય અને વ્યક્તિગત મુસાફરી માટે લોસ એન્જલસ જવાની પરવાનગી માંગી હતી, પરંતુ બેન્ચે સ્પષ્ટ કર્યું હતું કે નોંધપાત્ર સુરક્ષા ડિપોઝિટ વિના આ સફર કરી શકાતી નથી.

શું છે આખો મામલો?

આ મામલો ઓગસ્ટ મહિનામાં બહાર આવ્યો હતો. લોટસ કેપિટલ ફાઇનાન્શિયલ સર્વિસીસ લિમિટેડના ડિરેક્ટર અને ઉદ્યોગપતિ દીપક કોઠારીએ શિલ્પા શેટ્ટી અને રાજ કુન્દ્રા પર 60  કરોડ રૂપિયાથી વધુની દગાખોરીનો આરોપ લગાવતી ફરિયાદ દાખલ કરી હતી. કોઠારીના નિવેદન મુજબ, આ ઘટનાઓ 2015  થી 2023 ની વચ્ચે બની હતી. તેમણે દાવો કર્યો હતો કે દંપતીએ તેમની કંપની, બેસ્ટ ડીલ ટીવી પ્રાઇવેટ લિમિટેડ માટે 75 કરોડ રૂપિયાની લોન માંગવા માટે  તેમનો સંપર્ક કર્યો હતો, જે લાઈફસ્ટાઈલ પ્રોડક્ટને પ્રોત્સાહન આપવા અને ઓનલાઈન શોપિંગ પ્લેટફોર્મ ચલાવવા માટે શરૂ કરવામાં આવી હતી.

કોઠારીના આરોપો:

શરૂઆતમાં તે 12% વ્યાજ દરે લોન હોવાનું માનવામાં આવતું હતું. જોકે, શિલ્પા શેટ્ટી અને રાજ કુન્દ્રાએ કથિત રીતે તેમને માસિક વળતર અને મૂળ રકમની સંપૂર્ણ ચુકવણીનું વચન આપીને તેને રોકાણમાં રૂપાંતરિત કરવા માટે સમજાવ્યા હતા. કોઠારીએ દાવો કર્યો હતો કે તેમણે એપ્રિલ 2015 માં રૂ. 31.95 કરોડ અને તે જ વર્ષે સપ્ટેમ્બરમાં રૂ. 28.53 કરોડ ટ્રાન્સફર કર્યા હતા. હવે તેઓ કહે છે કે આ પૈસાનો ઉપયોગ વ્યવસાય વિસ્તરણને બદલે વ્યક્તિગત ખર્ચ માટે કરવામાં આવ્યો હતો.

લાંબી પૂછપરછ અને લુકઆઉટ નોટિસ 

સપ્ટેમ્બરમાં, આર્થિક ગુના શાખાએ શિલ્પા શેટ્ટી અને રાજ કુન્દ્રા બંને સામે લુકઆઉટ નોટિસ  (LOC) જારી કર્યો હતો, જેનાથી તેઓ પૂર્વ પરવાનગી વિના દેશ છોડી શકતા ન હતા. ગયા અઠવાડિયે, આર્થિક ગુના શાખાએ શિલ્પા શેટ્ટીની ચાર કલાકથી વધુ સમય સુધી પૂછપરછ કરી હતી, જોકે તેની સંડોવણીની ચોક્કસ વિગતો હજુ પણ અસ્પષ્ટ છે.