Kolkata: બંગાળી અભિનેત્રી Bidisha De Majumdar એ કરી આત્મહત્યા, ફાંસી પર લટકેલી મળી બોડી

Bengali Actress Bidisha De Majumdar Found Dead: બંગાળી અભિનેત્રી અને મોડલ બિદિશા ડે  મજમુદારે (Bidisha De Majumdar)  આત્મહત્યા કરી લીધી છે. અભિનેત્રીએ તેના ફ્લેટમાં ગળેફાંસો ખાઈને આત્મહત્યા કરી હતી. બુધવારે બંગાળી અભિનેત્રી બિદિશા ડેની લાશ તેના એપાર્ટમેન્ટમાં લટકતી મળી આવી હતી. મળતી માહિતી મુજબ, આ ચોંકાવનારી ઘટનામાં બંગાળી મોડલ બનેલી અભિનેત્રી બિદિશા ડી મજુમદારની લાશ કોલકાતાના નગર બજાર વિસ્તાર(Nagerbazar Area)માં તેના ફ્લેટ પર લટકતી મળી આવી હતી. 

બતાવાય રહ્યું છે કે 21 વર્ષની બંગાળી અભિનેત્રી બિદિશા ડે મજુમદાર છેલ્લા ચાર મહિનાથી પોતાના માતા-પિતા સાથે ભાડાના મકાનમાં રહે છે. બુધવારે સાંજે મૃત અભિનેત્રીનો મૃતદેહ તેના એપાર્ટમેન્ટમાંથી મળી આવ્યો હતો. મુખ્ય દરવાજો તોડીને તેના ઘરમાં ઘૂસી જતાં પોલીસે લાશ બહાર કાઢી હતી. પોલીસે અભિનેત્રીની હત્યા થઈ છે કે આત્મહત્યાનો મામલો છે તેની તપાસ શરૂ કરી છે.

બંગાળી અભિનેત્રીની બોડી ફાંસી પર લટકેલી મળી 

પોલીસે બિદિશાના નિકટના પરિચિત, પરિવારના સભ્યો અને મિત્રોને તેના વિશે માહિતી એકત્ર કરવા માટે પૂછપરછ પણ કરી છે. મૃતક અભિનેત્રીની બોડીને પોસ્ટમોર્ટમ માટે આરજી કર હોસ્પિટલ  (RG Kar Hospital) મોકલી દેવામાં આવી છે. પોલીસે એક અધિકારીને જણાવ્યુ કે બોડી પાસે સુસાઈડ નોટ મળી છે. જેમા લખવામાં આવ્યુ છે કે તે પોતાના કેરિયરમાં તકની કમીને કારણે પોતાનો જીવ આપી રહી છે. અધિકારી મુજબ હસ્તલિપિ વિશેષજ્ઞ તેના સુસાઈડ નોટની તપાસ કરશે.