Sheetala Ashtakam- શીતલાષ્ટક સ્તોત્રનો પાઠ ચોક્કસ કરો, તમને બીમારી અને તણાવમાંથી મુક્તિ મળશે, તમારા ઘરમાં સુખ અને સમૃદ્ધિ આવશે.

શીતલાષ્ટક સ્તોત્ર
॥ વિનિયોગ ॥

ઊઁ અસ્ય શ્રીશીતલા સ્તોત્રસ્ય મહાદેવ ઋષિઃ, અનુષ્ટુપ્ છન્દઃ, શીતલી દેવતા, લક્ષ્મી બીજમ્, ભવાની શક્તિઃ, સર્વવિસ્ફોટક નિવૃત્તયે જપે વિનિયોગઃ ॥

ઋષ્યાદિ-ન્યાસઃ

શ્રીમહાદેવ ઋષયે નમઃ શિરસિ, અનુષ્ટુપ્ છન્દસે નમઃ મુખે, શ્રીશીતલા દેવતાયૈ નમઃ હૃદિ, લક્ષ્મી (શ્રી) બીજાય નમઃ ગુહ્યે, ભવાની શક્તયે નમઃ પાદયો, સર્વ-વિસ્ફોટક-નિવૃત્યર્થે જપે વિનિયોગાય નમઃ સર્વાંગે ॥

ધ્યાનઃ

ધ્યાયામિ શીતલાં દેવીં, રાસભસ્થાં દિગમ્બરામ્ ।

માર્જની-કલશોપેતાં શૂર્પાલઙ્કૃત-મસ્તકામ્ ॥

માનસ-પૂજનઃ

ૐ લં પૃથ્વી-તત્ત્વાત્મકં ગન્ધં શ્રી શીતલા-દેવી-પ્રીતયે સમર્પયામિ નમઃ। ૐ હં આકાશ-તત્ત્વાત્મકં પુષ્પં શ્રી શીતલા-દેવી-પ્રીતયે સમર્પયામિ નમઃ। ૐ યં વાયુ-તત્ત્વાત્મકં ધૂપં શ્રી શીતલા-દેવી-પ્રીતયે સમર્પયામિ નમઃ।

ૐ રં અગ્નિ-તત્ત્વાત્મકં દીપં શ્રી શીતલા-દેવી-પ્રીતયે સમર્પયામિ નમઃ। ૐ વં જલ-તત્ત્વાત્મકં નૈવેદ્યં શ્રી શીતલા-દેવી-પ્રીતયે સમર્પયામિ નમઃ। ૐ સં સર્વ-તત્ત્વાત્મકં તામ્બૂલં શ્રી શીતલા-દેવી-પ્રીતયે સમર્પયામિ નમઃ।

મન્ત્રઃ

ૐ હ્રીં શ્રીં શીતલાયૈ નમઃ ॥ [11 બાર]

ઈશ્વર ઉવાચ

વન્દેઽહં શીતલાં દેવીંરાસભસ્થાં દિગમ્બરામ્।

માર્જનીકલશોપેતાંશૂર્પાલઙ્કૃતમસ્તકામ્॥1॥

વન્દેઽહં શીતલાં દેવીંસર્વરોગભયાપહામ્।

યામાસાદ્ય નિવર્તેતવિસ્ફોટકભયં મહત્॥2॥

શીતલે શીતલે ચેતિયો બ્રૂયદ્દાહપીડિતઃ।

વિસ્ફોટકભયં ઘોરંક્ષિપ્રં તસ્ય પ્રણશ્યતિ॥3॥

યસ્ત્વામુદકમધ્યે તુધ્યાત્વા સમ્પૂજયેન્નરઃ।

વિસ્ફોટકભયં ઘોરંગૃહે તસ્ય ન જાયતે॥4॥

શીતલે જ્વરદગ્ધસ્યપૂતિગન્ધયુતસ્ય ચ।

પ્રણષ્ટચક્ષુષઃપુંસસ્ત્વામાહુર્જીવનૌષધમ્॥5॥

શીતલે તનુજાન્ રોગાન્નૃણાં હરસિ દુસ્ત્યજાન્।

વિસ્ફોટકવિદીર્ણાનાંત્વમેકાઽમૃતવર્ષિણી॥6॥

ગલગણ્ડગ્રહા રોગા યેચાન્યે દારુણા નૃણામ્।

ત્વદનુધ્યાનમાત્રેણશીતલે યાન્તિ સઙ્ક્ષયમ્॥7॥

ન મન્ત્રો નૌષધં તસ્યપાપરોગસ્ય વિદ્યતે।

ત્વામેકાં શીતલે ધાત્રીંનાન્યાં પશ્યામિ દેવતામ્॥8॥

॥ ફલ શ્રુતિ ॥

મૃણાલતન્તુસદૃશીંનાભિહૃન્મધ્યસંસ્થિતામ્।

યસ્ત્વાં સઞ્ચિન્તયેદ્દેવિતસ્ય મૃત્યુર્ન જાયતે॥9॥

અષ્ટકં શીતલાદેવ્યાયો નરઃ પ્રપઠેત્સદા।

વિસ્ફોટકભયં ઘોરંગૃહે તસ્ય ન જાયતે॥10॥

શ્રોતવ્યં પઠિતવ્યં ચશ્રદ્ધાભાક્તિસમન્વિતૈઃ।

ઉપસર્ગવિનાશાયપરં સ્વસ્ત્યયનં મહત્॥11॥

શીતલે ત્વં જગન્માતાશીતલે ત્વં જગત્પિતા।

શીતલે ત્વં જગદ્ધાત્રીશીતલાયૈ નમો નમઃ॥12॥

રાસભો ગર્દભશ્ચૈવખરો વૈશાખનન્દનઃ।

શીતલાવાહનશ્ચૈવદૂર્વાકન્દનિકૃન્તનઃ॥13॥

એતાનિ ખરનામાનિશીતલાગ્રે તુ યઃ પઠેત્।

તસ્ય ગેહે શિશૂનાં ચશીતલારુઙ્ ન જાયતે॥14॥

શીતલાષ્ટકમેવેદં નદેયં યસ્યકસ્યચિત્।

દાતવ્યં ચ સદા તસ્મૈશ્રદ્ધાભક્તિયુતાય વૈ॥15॥

॥ ઇતિ શ્રીસ્કન્દપુરાણે શીતલાષ્ટકં સમ્પૂર્ણમ્ ॥