કોણ કહે છે ગુજરાતમાં દારૂબંધી છે: રાજકોટમાં પીલે પીલે ઓ મેરે રાજા ગીત પર ઝૂમ્યા જાનૈયા

રંગીલા રાજકોટમાં દારૂનો રંગ જરા વધુ ઉડતો જોવા મળી રહ્યો છે. કારણ કે તાજેતરમાં એક પોલીસ સ્ટેશનમાં PSI દારૂ પીતા ઝડપાયા હતા, ત્યારે હવે રાજકોટમાં એક લગ્નમાં દારૂ પીરસતો વીડિયો સામે આવ્યો છે. શહેરના જલારામ ચોક પાસે સહરામ મેઈન રોડ પર ચાલી ફૂલેકા દરમિયાન વરરાજાના મિત્રો અને ભાઈઓ જાહેર માર્ગ પર ઈંગ્લીશ દારૂ લઈ જતા હતા. 

દરેક લોકો દારૂની બોટલો સાથે DJની ધૂન પર નાચતા જોવા મળ્યા હતા. તેનાથી બચવા માટે એક વ્યક્તિએ વરરાજાને રિવોલ્વર આપી અને અંધાધૂંધ ફાયરિંગ કર્યું. હાલ આ વીડિયો સોશિયલ મીડિયા પર ખૂબ જ વાયરલ થઈ રહ્યો છે. 

આ વીડિયોમાં તિરંગા ફિલ્મના ગીત પર જાનૈયાઓ દારૂની બોટલ સાથે ઝૂમતા નજરે પડ્યા છે. પીલે પીલે ઓ મેરે રાજા ગીતની કડી પર દારૂની બોટલ સાથે જાનૈયાઓ ઝૂમતા નજરે પડ્યા હતા. કથિત દારૂ પાર્ટીના વિડીયોને લઈ પોલીસે તપાસ શરૂ કરી છે. 

એક વીડિયોમાં વરરાજાને બંદૂક આપવામાં આવતી હોય તેવા દ્રશ્યો પણ કેદ થયા છે. વાયરલ વીડિયોમાં ગુનાહિત કૃત્યોમાં અગાઉ પોલીસ ચોપડે ચડી ચૂકેલો સખ્શ પણ દેખાતો હોવાની ચર્ચા છે. તાજેતરમાં ભાઈના લગ્ન અંતર્ગત પેરોલ પર છૂટ્યો હોવાની ચર્ચા છે.

શરમજનક બાબત એ છે કે PSI પોતે નશાની હાલતમાં મળી આવ્યા હતા. દારૂના નશામાં તે કમિશનર ઓફિસ પણ પહોંચ્યો હતો. આથી રાજકોટમાં દીવા નીચે જ કાળો ઘાટ સર્જાયો છે. આ ઉપરાંત મીડિયા કર્મીઓ સાથે ગેરવર્તણૂકનો મામલો વધુ પ્રસરી ગયો હતો. 

હવે મહત્વનો પ્રશ્ન એ છે કે જો પોલીસકર્મી આ રીતે નશામાં ધૂત હોય તો તે જનતાને શું કહેશે? એક તરફ દારૂ પર પ્રતિબંધ છે તો આટલો દારૂ ક્યાંથી આવે છે તે પણ મહત્વનો પ્રશ્ન છે. હવે જોવાનું એ રહેશે કે આ બંને ઘટનામાં પોલીસ કેવા પગલા ભરે છે.